SAC Ralhrang nih kan Laitlang ah Jet Vanlawng in Bomb a thlak tthan ee a thi le a hliam kong kan langhter>>>>>>>>>

Thlanglei Laitlang ah SAC Ralkap Nih Mindat Peng Ah Raltuknak Vanlawng In Bomb An Thlak || 1 April 2024 Chinram thlanglei, Mindat peng, Station 2 lei ah AA ralkap an um ruang ah SAC ralkap nih raltuknak vanlawng Jet Fighter in nihin April 1, zing khuadei hlan ah voi 10 hrawng bomb an thlak, tiah Mindat peng thawnglatu HKL nih an thanh. Mindat peng, Station 2 hmunram chung ah SAC ralkap nih nihin April 1, zanṭim suimilam 1:00 hrawng ah pound 500 tluk a rit mi bomb pahnih an thlak pin ah,

chun suimilam 11:30 hrawng ah Jet Fighter pathum in voi 6 bomb an thlak ṭhan, tiah tualchung mi nih an chim. Nihin bomb an thlak mi kong he pehtlai in inn a rawk mi le hliam a tuar mi an um le um lo fehternak a um rih lo. Chinram chung ah Mindat peng cu SAC ralkap nih vanlawng in kahdohnak an tuah biknak hmun a si caah inn a rawk mi a tam pin ah tualchung mi thi le hliam an tam ngai cang. A luancia March thla chung zong ah vanlawng kahdohnak ruang ah tualchung mi 4 an thi i minung 5 hliam an tuar, tiah theih a si.Thawngpang Dang Rel Chap Rih >>>>>>>>>>>>>

March thla chung, Karenni ram kahdohnak ah SAC ralkap 70 an thi i vanlawng kahdohnak voi 100 leng a tuah tiah PKPF nih nihin ah a thanh.
Karenni ramchung dihlak ah kahdohnak voi 56 a chuak i Karenni ram dothlennak phu lei 26 nih ram le miphun caah an nunnak an pek tiah an langhter.
Karenni ram i Mese, Demoso, Yuathit, Shadaw le Mawchi, Moebye, Nan-pekon khua (7) hna cu dothlennak phu pawl nih an tlaih tiah KNDF nih March zarh donghnak ah theihternak an tuah.
Cun Loikaw, Demoso, Hpasawng, Hpruso, Bawlakhe, Pekon, Mese le Shadaw khua um SAC ralkap sakhaan 65 zong an lak khawh tiah an thanh.
SAC ralkap nih hramhram in uknak a lak hnu kum 3 leng caan chung ah Karenni ram hmunkip ah kahdohnak voi 1,041 a chuak i SAC ralkap nih vanlawng kahdohnak voi 1,404 a tuah.
Karenni Army (KA), Karenni National Defense Force (KNDF) le People’s Defense Force (PDF) lei hriamtlai 515 an nunnak a liam i SAC lei 3,203 an thi.
Sualnak ngei lo mipi 481 le ralzaam 151 an thah hna i phungning loin tlaih mi 152 an um tiah PKPF nih a langhter.