Cuhlan ah thawngpang kan thei kho lo, nihin ah ruahlo piin Laipa Tial Cung Thang nih April 5 on Friday ah Quang Le he kan I thua lai tiah a vun tar. Tial Thang a dironhtu ding Quang Le hi kum 32 a si I cuhlan aa thonghnak ah voikhat hmanh a sung ballo, 2024-2022 ah 7-0-0 hi a dirhmun a si. Le hi Vietnam mma fighter a si. Tial Thang hi 2023-2022 chungah voi 6 aa thong I voithum a sung, 6-3-0 hi a dirhmun a si.
Kan theih bantukin Tial Thang hi ONE Championship in Legacy Fighting Alliance (LFA) ah aa thial. LFA a luh tlawmpal ah teinak a hmu colh. Adonghnak LFA aa thongh hi Main Event in a um I cu ahcun teinak a hmu lo. Tutan a dironhtu ding hi voikhat hmanh a sung ballomi asi ve tikah zenh a um kho men. Bawipa nih Tial Thang teinak pe hram seh. An i thonghnak ding hi LFA-181, Prior Lake, Minnesota ah a si lai.Thawngpang Dang rel Chap Rih >>>>>>>>>>>>>>>>>>>>>>>>>>>>>>>>>
Sangau Khua Inn 565 A Rawk! Mizoram ramkulh, Lawngtlai peng, Sangau khua ah nizan April 2, zanlei suimilam 3:00 hrawng ah rial tam ngai a tlak caah khuachung inn 565 an rawk i, a rawk mi lak ah Biakinn, cozah Quaters’ le ralzaam i dornak camp hna zong an i tel. Nizan rial tla mi hi a tam ngai caah khuachung hmun cheukhat ah rial aa dil i, Sangau II Bazar hna ah cun motor hmanh kal kho lo tiang in rial aa dil caah JCB nih thianhfelnak a tuah hnu ceo ah lampi an hman khawh.
Sangau Bazar i aa dil mi rial cu Pu H.Lalremruata le Pu H.Tialirha te inn ah a luang i chungkhar lei an buai manh ngai, Sangau YLA le mi cheukhat nih rial a luang mi le aa dil mi cu an thianhfelpiak hna, tualchung media nih an ṭial.”Nihin Sangau khuachung rial a tla mi cu a ngan zong a ngan i arti tia hrawng a si, a tla mi a tam hlei ah a ngan ngai caah khuachung lei inn a cungcih a rawk mi a tam.
Ralzaam umnak buk zong an rawk ve i, a tam-u cu canphio cih lo mi a si caah a awng dih ngawt, canphio inn aa cih mi inn hnih zong a awng ve ṭhiam, kan cinthlak mi thlai tete zong a rawk dih,” tiah Sangau khua ah ralzaam in aa dor mi pakhat nih The Chin Post ah a chim.
Sangau lei report kan hmuh ning ah khuachung inn a rawk mi dihlak hi inn 565 a si i, umnak ṭha lo tiang in a rawk dih mi inn 188 an si. Inn rawk mi hi a tam caah khuasak cawlcanghnak a buai ngai. Sangau MDC le MLA nih cozah lei ṭuanvo ngeitu zong pehtlaihnak an tuah colh hna i rianrang in bawmhchanhnak kalpi zau a si lai, tiah Pu K. Hre Kung, MDC nih mizapi thinphang thlalau tuk i um lo ding in a thanh hna.
Rianrang deuh in bawmhchanhnak kalpi ding ah Lawngtlai lei in Silpoulin phurh a si, tiah YLA, Sub-Headquarters Sangau nih thawngthanhnak an tuah ve.Sangau khua hi Mizoram ah Laiholh hmannak khua ngan bik a si i, inn 1000 leng umnak khua a si. Myanmar ram buai hnu in ralzam nih an fuhpanh biknak khua pakhat zong a si.
Leave a Reply