Kan unau KIA hna cu an foi lo e, ralhrang hriamnam pi anchiahnak Sakhan Numlang le Drone group umnak NaungKun ralhang hna sakhan a ngan cem mi cu anlak piak hna ( VIDEO )

Kan unau KIA hna cu an foi lo e, ralhrang hriamnam pi anchiahnak Sakhan  Numlang le Drone group umnak NaungKun  ralhang hna sakhan a ngan cem mi cu anlak piak hna -VIDEO ,Kan unau KIA hna cu an foi lo e, ralhrang hriamnam pi anchiahnak Sakhan  Numlang le Drone group umnak NaungKun  ralhang hna sakhan a ngan cem mi cu anlak piak hna -VIDEO

Kan unau KIA hna cu an foi lo e, ralhrang hriamnam pi anchiahnak Sakhan  Numlang le Drone group umnak NaungKun  ralhang hna sakhan a ngan cem mi cu anlak piak hna -VIDEO,Kan unau KIA hna cu an foi lo e, ralhrang hriamnam pi anchiahnak Sakhan  Numlang le Drone group umnak NaungKun  ralhang hna sakhan a ngan cem mi cu anlak piak hna -VIDEO

Naypyidaw Um SAC Ralhrang Zungpi Le Ayelar Vanlawng Bual Cu Drone Pawl In An Kahdoh Hna | Vaupi 4 | 2024 Naypyidaw khuapi um SAC ralhrang zungpi le cunglei ralhrang (Air Force) pawl umnak Ayelar vanlawng bual cu dothlennak hriamtlai phu hna nih nihin 2024, April 4 zing ah Drone 29 in an kahdoh hna, tiah theih a si. SAC ralhrang zungpi cu Camicaze Drone 16 in an kahdoh i Ayelar vanlawng bual cu Drone 13 in an kahdoh, tiah dothlennak hriamtlai phu hna sin in

theih a si. “Ayelar vanlawng bual cu a kaang, Jammer pawl an bunh ko hna nain Naypyidaw in a fek bikmi hmunhma hna cu kan kahdoh khawh hna” tiah dothlennak ralkap pakhat nih Tachileik News Agency ah a chim. PDF Special phu hna le Kloud Drone phu nih SAC ralhrang zungpi cu an kahdoh i PDF Special phu hna le Leather Weapon nih cunglei ralhrang (Air Force) pawl umnak Ayelar vanlawng bual cu an kahdoh, tiah NUG zohcah in runvennak vuanci zung nih an thanh.

Thli Le Ruah Nih Senthang peng Inn 33 A Hrawh Vaupi 4 | 2024 Chin ramkulh, Hakha pengchung Senthang peng ah thli le ruah aa tuk caah mipi inn 33 a rawk, tiah theih a si. 2024, March 31 ah Chin ramkulh chung ah thli faak tuk in a hran pin ah ruah zong a sur chih caah Hakha pengchung  Senthang peng ah ralhrial pawl an i dor nak inn 3 telh in mipi inn 33 a rawk.  “Inn tam deuh cu a cungcih thli nih a choih hna caah an rawk i

thingkung pur hnawh nak in a rawk mi inn zong a um,” tiah tualchung mi pakhat nih Lungmili Post ah a chim. A rawkmi inn zat le khua min hna cu Maukhua Inn 1, Sumsii Inn 1, Lung Tar Inn 2, Leium B Inn 4, Bung Zung Inn 13, Kei Zuan Inn 2, Chawn Cum Inn 4, TiLak Inn 1, Khuapi 2, Leium A 1 le Khuapi 2 hna hi an si.

Chin Ralkap CNA Le ZRA Kar Kahdohnak Ah ZRA 1 An Tlaih | Vaupi 4 | 2024 Chin ramkulh, Tedim peng, Darkhai khua kiangkap ah Chin miphun ralkap CNA le SAC ralhrang lei ṭang mi ZRA kar ah kahdohnak a chuak i ZRA minung 1 cu CNA nih an tlaih, tiah theih a si. 2024, April 3 zing ah Chin miphun ralkap CNA in

khualtlawng lio mi hna cu ZRA nih lamhruang in an bawh hna i an kah hna caah CNA nih i runvennak caah an kah ve hna i kap 2 kar kahdohnak a chuak, tiah theih a si. Kahdohnak ah Chin miphun ralkap CNA in nunnak liam mi an um lo i ZRA in minung 1 an tlaih pin ah an Cycle 3 zong an laak chih khawh, tiah theih chih a si.

Dawei Tonginn Ah Ramkhel Thongtla Pahnih Thah An Tong || 4 April 2024 Tanintharyi ramṭhen, Dawei thonginn ah ramkhel thongtla pahnih cu thonginn leng ah chuah in thah an si kong ramkhel thongtla zohkhenhtu phu nih nihin April 4 ah RFA an chimh. Thah a tong mi pahnih cu Min Thu(kum 25) le Win Thiha(kum 35) an si i, a luancia March 17 zan ah Dawei thonginn in SAC ralkap motor pahnih he Sah-Yah-Phah phu nih an kalpi hna, tiah an chim. “March thla dongh lei ah thonginn ah cakuat pe ding in chungkhar lei an kal nain ṭuanvo ngeitu pawl nih an thih kong an rak chimh hna,” tiah Dawei thonginn rianṭuantu he naihniam in a um mi pakhat nih a chim. “Sah-Yah-Phah phu nih thonginn chung ah

chekhlatnak an tuah i kan kham mi thil tlaihpiak an si tiin Min Thu le Win Thiha cu Sah-Yah-Phah phu nih thil nak mi in an lu an khuh hna i leng ah an kalpi hna hnu ah an thah hna,” tiah Dawei thonginn rianṭuantu he naihniam in a um mi pakhat nih cun a chim. Thah a tong mi Min Thu cu Islam biaknak ah rianṭuantu pakhat a si i Dawei mizapi nih an hngalh ngai mi pakhat zong a si. SAC ralkap nih an tlaih hnu ah kum 10 thongtla ding in bia an ceihpiak mi a si. Win Thi Ha tu cu kum 7 thongtla ding in bia an rak ceihpiak mi a si ve. Ramkhel thongtla zohkhenhtu phu(AAPP) nih nizan April 3 tiang ah Dawei thonginn ah ramkhel thongtla 217 an um, tiah an langhter.

Chinram Chaklei Ah Khachuanrang A Cingtu Hna Cu A Zuarnak Kong Ah An Lungre A Thei || 4 April 2024 Kahdohnak a fah ruang ah chawlehnak lampi phihkhar a si caah Chinram chaklei, Tedim peng ah Khachuanrang(vankhawng) a cingtu hna cu a zuarnak ding kong ah lungrethei ngaiin an um, tiah theih a si. “A hlan ah cun Kalay, Tamu, Mandalay le Muse hna ah kalpi in an rak zuar tawn nain tukum cu kahdohnak a fak i chawlehnak lampi hman a ngah lo caah

Khachuanrang a cingtu hna cu a zuarnak ding kong ah lungrethei ngai in an um hna,” tiah tualchung mi nih an chim. “Kum dang ah cun Khachuanrang hi cuai khat ah Kyats 3,000 a si tawn nain tukum ah cun cuai khat ah 5,000 ah a kai i kum dang nakin a man a ṭha deuh ngai, a zuarnak kong belte ah lungrethei ngaiin an um,” tiah tualchung mi nih cun an chim. Khuachuanrang cu October thla in cin hramthawk a si i a hmaikum March thla tiang zohkhenh hnu ah April thla chung ah phuk a si tawn. Hmanthlak : RFA