Ṭial Cung Thang A Rak Kir Ṭhan Cang Lai. Miphun dang nih Ṭial “The Dragon Leg” Thang tiah an theih mi, Salai Ṭial Cung Thang cu a ralai mi April 5; LFA 181 ah a rak kir ṭhan lai. Ṭial Thang nih a celhpi ding hi Vietnamese MMA celh thiam, Quang Le a si i, anih hi MMA voi sarih (7-0) aa celh ah a sung bal rih lo mi a si.
Lai Paih thiam min thang zong a si mi Ṭial Cung Thang hi professional MMA aa celh chung ah voi 6 teinak a hmu i, voi 3 a sung ve cang. Vawleicung Martial Arts Organisation ngan bik pakhat One Championship ah professional MMA celh aa thok hnu in, LFA ah voikhat aa celh i, cu hnu ah All In Combat ah voi thum aa celh ṭhan. Atutan hi LFA lei ah a kir ṭhan lai.
Ṭial Thang hi MMA aa celh hmanung bik cu nikum 2023, November 11 ah khan a si i, All In Combat 4 ah Chris Ocan he Bantamweight taisawm an rak i cuh, culio ah cun judges biakhiahnak in a rak sung. LFA ah a rak i celh hmanung bik tu cu April 14, 2023 ah khan a si i, cu lio ah sungh a rak tong bal lo mi Jose Hernandez cu a rak tei.
Atutan zong hi Ṭial Cung Thang ca ah zuamcawhnak ngan pi pakhat a si ṭhan; aa celhpi ding Quang Le hi record ṭha ngai a ngei mi a si pinah a thiam ngai mi a si ve. Culio ah Ṭial Thang hi hmuhton tampi a ngei cang mi a si caah annih pahnih i tong ding hi puai zohnuam ngai a si lai. (Myanmar in April 6, zinglei ah an i phomh lai i, Laipa nih teinak a hmu hram ko seh.) The Chin Post
Kachin ram, Mongmit peng, Mai-sat-kaung sakhaan cu April 3 zinglei ah tlamtling tein an lak khawh i hriam cheukhat zong an lak khawh tiah KIA lei thawngzamh nih an langhter.
April 2 ah Kyauk sakhaan tlamtling tein an lak khawh cang nain Mai-sat-kaung sakhaan cu April 3 zinglei lawng ah tlamtling tein an lak khawh hi a si.
Atulio Mongmit peng chung ah, SAC ralkap sakhaan cheukhat lawng an tang cang i a rauh hlan ah Mongmit khuachung ah kahdohnak a fak kho tiah KIA lei thawngzamh nih an langhter.
Leave a Reply