Breaking News: Hakha Khuapi Ah Inn Pa 4 Bak A Kangh Manh Ee. Chin ramkulh, Hakha khuapi, Bethany sang ah April 9 zing suimilam 1:30 tluk ah mipi inn 1 a kang i a pawng inn 3 tiang a tlaih chih. Ho te inn dah an si ti cu theih khawh a si rih lo, inn1 cu CCU Principal Rev.Dr.Luke Sui Kung Ling te inn a si, tiah theih a si.
” Zing suimilam 1:20 in mei a tho men lai. Electric mei ruang ah a si lai tiah kan zumh. Meithat motor 4 an ra i zing suimilam 4 tluk hrawng lawng ah mei an hmih kho. Inn 4 a kang manh,” tiah tualchung mi pakhat nih Lungmili Post ah a chim.
Hikong he pehtlai in Lungmili Post nih kan hlat cuahmah lio a si caah thawng fiang thanh khawh kan vun i zuam ṭhan lai. Lungmili Post
Thawngpang dang: Nihin cu Pathian thil ser khuaruahhar kan zoh cio lai. North America ah Chin khualipi, Indianapolis zong van/sky a thiang hirhiar lai. “Look Up Day” a si.
Pathian zumtu hna, Pathian nih a sermi thil hi thuk deuh in nan ruat bal cio maw? Van le vawlei a ser ning, nika le thlapa, Vawlei umtuning pawl hi? ” Pathian nih Vawlei (earth) cu zeihmanhlo/ empty space chung ah a tlai” tiah Job 26:7 ah kan hmuh.
Minung, saram, le thil nung vialte kan umnak Vawlei/earth pi hi, a lawngmi, empty space chung ah a tlai ko i, raang taktak in a tli. Nika/ Sun a sermi nih ceunak a kan pek. Lumnak a kan pek. Cucaah, Vawlei ahhin nunnak a um kho.
A cheu nihcun, Nika/ Sun le Vawlei/ Earth karlak ah a ummi, thlapa/ moon hi Vawlei he nai deuh in a um caan ah ci thlaknak/tefa hrinnak a ttha deuh tiah a zummi an um. A dik ko ahcun, Vawlei a heltu, thalpa hi, Vawlei ah ci tampi a karh khawhnak hnga caah, nawn petu bantuk a si hnga, tinak a si. Scientist nih an tuaktan khawh lomi, Pathian thilser hi a mak tuk.
Nihin cu kan umnak Vawlei in, Thlapa nih Nika a phen lio kan zoh cio lai. Chun laipi ah, Chih-khat cu a mui dup lai. Kan thinlung ah Pathian thil ser a ropui zia kan ruat cio lai. Nunnak a kan petu, damnak a kan petu, kan Pathian sinah kan ilawmnak zong kan lungthli in kan chim cio lai.
Leave a Reply