Hakha, Kuatthit Sang ah Inn 4 an Kaang.Nihin zinglei sml. 1:50 hrawng ah Hakha khua, Auto chak ah a um mi Kuatthit sang ah inn pali mei nih a kangh hna, tiah thawng kan theih. A inn 4nak a kangh ah meithattu pawl an phan i, mei an thah manh caah a dang inn a tlaih lo, tiah tualchungmi pakhat nih a chim. Zei ruang ah dah atu bantuk in meikanghnak a chuah ti mi fiang in theih a si lo. The Hakha Post
Thawngpang dang: Hpakant Peng, Namtyar SAC Sakhan Cu KIA Hruai Mi Ṭangṭi Phu Hna Nih Luhhnawh In An Kah. Kachin ramkulh, Hpakant-Mogaung lampi um Namtyar SAC Gate sakhan cu Kachin ralkap KIA hruai mi ṭangṭi phu hna nih nihin 2024, April 9 zing ah luhhnawh in an kahdoh i SAC ralhrang nih cunglei in a kah chih caah kahdohnak a faak, tiah theih a si.
“Zing suimilam 6:00 tluk in kahdoh hram an thok i kahdoh hram an thok i kahdohnak cu a faak ngai .Namtyar Gate hi sakhan he aa tlai mi a si i a minthang ngai mi a si, Hpakant lei a rak kai mi motor pawl SAC ralhrang thazaang 150 hrawng nih an chek lengmangnak hna hmun a si pinah mi an tlaih lengmangnak hna hmun zong a si” tiah KIA thawng laaknak hrampi nih a chim.
Namtyar Gate sakhan cu SAC ralhrang chungtel pawl pinah zungkip he aa pehtlai mi hna zong nih umhmun an khuarnak hmun a si i April thla thok lio in hriamnam chiah ding ah ralrin an pek lengmang hna nain an duh lo caah kahdohnak a fah hi a si, tiah KPDF he naihniam in a um mi pakhat nih a chim ve. Lungmili Post
Leave a Reply