Good News : CDF-Thantlang a Voi 2nak Refresher & Combat Training an Lim

CDF-Thantlang a Voi 2nak Refresher & Combat Training an Lim.CDF-Thantlang a voi 2nak Refresher & Combat Training tlamtling tein tuah dih lunglawmh caan hmannak (Closing Ceremony) cu 2024 April 09 ah tuah, tiah theih a si.

“Hi training ah hi ral lei thiamnak lawng si lo in kan Chin Miphun dothlennak kongkau, Ramkhel lei hngalhkauhnak le International Humanitarian Law (IHL) kong zong cawnpiaknak ngeih chih a si” tiah CDF-Thantlang nih theihternak a tuah.

Good News : Rak Rel Chih HrimHrim : Karenni Hriamtlai KNSO nih SAC kan Doh Ve Cang Lai tiah Thawng a Thanh.A luancia 2002 ah Myanmar ralkap he remhdaihnak a rak tuah mi Karenni National Solidarity Organization (KNSO) nih SAC ralkap kan doh ve cang lai, tiah nihin April 10 ah cathanh a chuah.

KNSO Headquarter a umnak Khe-Ma-Phyu khua cu SAC ralkap nih vanlawng in bomb a thlak pin ah Mawchi peng ah a um mi khuate pawl zong SAC ralkap nih hriampi in an kah caah KNSO le SAC karlak remhdaihnak a rawk cang, tiah KNSO nih cathanh ah a langhter.Cucaah, Karenni ramkulh chung ah a cawlcaang mi hriamtlai bu hna le Karenni mizapi he i bawm in SAC ralkap kan do ve cang lai, tiah KNSO nih thawngthanhnak a tuah.

Thawngpang Tha Taktak :Chin Unau Phu Sin ah CDF-Matupi Brigade 1 an i Fonh Ve.CDF-Matupi Brigade 1 nih Chin Unau Phu he rain kan ṭuan ṭi lai, tiah nihin April 10 thawngthanhnak a tuah. CDF-Matupi Brigade 1 chinnak nawlngei nih, “Ramkhel lei le raal lei kong ah Chin Unau Phu he kan dirhmun aa khat. Cucahcun anmah he hmun khat ah rianṭuan ding in biachahnak kan ngeih hi a si,” tiah a chim.
Chin Unau Phu chungtel ah CDF-Mindat, CDF-Kanpetlet, CNDF, MDF, PDF-Zoland le CDF-Matupi Brigade 1 an i tel cang.

Atu Chin Unau Phu he aa fonh mi CDF-Matupi Brigade 1 ah hin CDF-Matupi Battalion 1 le Battalion 5 an i tel. Chinland Council a duh deuh mi CDF-Matupi Brigade 2 ah CDF-Matupi Battalion 2, 3, 4 le 6 an i tel.Credit : The Hakha Post