Soe Win Le A Rianṭuan Hawi Hna Cu Drone 5 In Bomb An Thlakhnawh Caah Officer 3 An Thi, Midang 30 Leng Nih Hliam An Tuar

Mawlamyine Yah-Tah-Khah Zung Drone Bomb Thlakhnawh Naak Ah Officer 3 An Thi, Hliamtuar Mi Lak Ah SAC Hruaitu Lt. General Soe Win Zong Aa Tel Kho Mi Si. Mon ramkulh, Mawlamyine khuapi Yah-Tah-Khah zung ah kahdohnak (operation) konglam ceihmainak ngei mi SAC ralhrang hruaitu Soe Win le a rianṭuan hawi hna cu drone 5 in bomb an thlakhnawh caah officer 3 an thi, midang 30 leng nih hliam an tuar cu chungah SAC Hruaitu Lt. General Soe Win zong aa tel kho mi a si, tiah Alpha Bats Drone Force chungin ṭuanvo ngeitu pakhat nih Khit Thit Media ah a chim.

2024, April 8 zanlei suimilam 5:10 tluk ah thlanglei Yah-Tah-Khah SAC ralhrang zungpi ah kahdohnak (operation) konglam ceihmainak ngeimi Soe Win le a rianṭuan hawi hna cu Alpha bats Ṭetkhuai nih Fixed Wing Drone 5 in bomb an thlakhnawh hna caah SAC ralhrang raltuknak vanlawng 2 zong hmun himnak ah a ṭhial tiah kan theih.

Drone bomb thlakhnawh kahdohnak ah SAC ralhrang officer 3 an thi, commander 4 telhchih in 30 leng nih hliam an tuar cu chungah SAC ralhrang hruaitu Lt. General Soe Win zong aa tel kho tiah an langhter chih. Lungmili Post