Thlacamnak in Bawm Cio Hna Usih. Bawipa Nih Pi Zing Nawn Cungah Damnak Pe Ko Seh

Thlacamnak in Bawm Cio Hna Usih. LBC, Khrihfabu Khrihfa upa Pu Tial Cem i a hringtu a nu Pi Zing Nawn cu damlonak in siizung siikhan ah a thlop lengmang nain Siibawi te nih inn tin pi cang ko uh an ti caah Hakha tlunpi a si. 10.4.2024 ni ah Hakha an tlungpi i lam ah nikhat an riak 11.4.2024 ni khi Hakha an inn an phan lai.

Bawipa nih Pi Zing Nawn cungah damnak pe ko seh. Hakha tiang a tlunpi tu Khrihfa upa Dawt Bik, Mino upa Tin Lian Hmung chungah kan i lawm. tluang tein Hakha an phan pi khawh nak hnga thlacamnak in bawm cio ko hna usih.Crd: LBC Mandalay

Thawngpang dang: Thil sining cu, a luancia April 5 ah khan SAC ralhraang hna nih hin Vaphai khua i hmun a khuar mi PDF hna sakhaan cu kah ding ah rallam an rak sial i lampi an ton pah mi poah poah an tlaih hna hnu ah Tlangzawl khua i inn 2 chung ah an khumh hna.cuti an tlaih mi hna  cu chun slm 2:00 tluk ah an thlah hna hna nain Tlangzawl khuami 5 cu an thil phur tu ding ah an kalpi hna.

Cu 5 lak ah cun lung zawtnak a ngei mi Pu Tluang Tim Zam zong aa tel ve i a ttih tuk hna caah a zaam.a tlik lio ah SAC ralhraang pakhat nih a hnu lei in a kah i a tlu,a tluk nak in a hun thawh zawn ah a dang SAC ralhraang 2 nih an kah than tiah theih a si.cu ni ah cun a tangmi minung 4 cu an tlah than hna tiah theih a si.

April 6 ah a ruak cu hmuh a si i,a ruak laak ah a kal mi hna cu SAC nih an kah hna caah an kir than i a zaanlei sang ah khuami hna nih muka in a ruak cu an zual i a rannak in an tlikpi tiah theih a si. Cu tin a ruak cu Du-Wai-Chaung thlan an an vui colh.Crd:CBN News