Hamas Ramkhel Hruaitu Ismail A Fapa 3 Israel Kahdohnak In An Thi. Hamas ramkhel hruaitu Ismail Haniyeh fapa 3 le a chungkhar zeimawzat hna cu Gaza thlanglei hmunram IDF kahdohnak ah an thi tiah Al Jazeera network nih a langhter.
Ramkhel hruaitu Ismail Haniyeh nih Gaza thlanglei hmunram ka chungkhar thihlohnak kong ah an thisen man cu lehrulh chamnak ka tuah hrim lai tiah a chim.
A fapa 3 le a chungkhar dang hna thihlohnak an ton lio ah hin Ramkhel hruaitu Ismail Haniyeh hi Gaza hmunram ah umlo in Qatar ah a um tiah an langhter chih. Lungmili Post
Thawngpang dang: Chin ramkulh, Mindat khuapi ah nihin 2024, April 11, chun suimilam 2:00 tluk ah inn a kaang i inn 20 leng a ciam, tiah tualchung mi hna sin in theih a si.
“Kangh hram aa thoknak hi Mindat khuapi luhnak nichuahlei sang ah ummi inn in a si, mei cu an thah nain minung an tlawm caah inn tam ngai a kaang, a kaang mi inn ngeitu hna cu ral a hrialnak caan sau ngai a si cang, mizei nih an khangh ti mi zong theih khawh a si rih lo” tiah Mindat tualchung mi pakhat nih a chim.
Inn a kanghnak hmunhma cu Mindat khuapi luhnak Gate lei a si i cu Gate ahcun SAC ralhrang pawl an um pin ah a kiangkap hna ah bomb pawl an hmanh hna, tiah theih a si.
Atu bantuk in a kaang mi ruang ah inn 21 a ciam i inn ngeitu hna cu kahdohnak a rak chuah lio ah a himnak hmun kawl in ral an hrial hna, tiah theih a si.
“Mindat khuapi luhnak Gate ah umhmun khuar mi SAC ralhrang pawl cu kahdoh an ton lengmang ruang ah a pawngkam um tualchung mi hna cu an um ngam ti lo i an zaam hna, SAC ralhrang pawl nih kahdoh an ton caan paoh ah tualchung mi an tlaih khih hna, inn khat le inn khat zong aa naihtuk i inn khat a kangh ahcun fawi ngai in a dang inn zong a kangh chih khawh” tiah inn a kanghnak sang mi pa pakhat nih a chim.
A kaang mi mei cu zan suimilam 6:00 hrawng ah an hmih khawh cang, tiah theih a si. A luancia April 1 zong ah Mindat khuapi, Bawathit sang ah inn a kaang i tualchung mi hna inn 8 a ciam, tiah theih chih a si. Lungmili Post
Leave a Reply