Ramri Lonh In Myanmar Vanlawng A Zuan Ahcun Minute 5 Chung Ah Kah(thlak) Ding – Thai Defence Minister.Ramri lonh in Thailand ramchung ah Myanmar vanlawng an luh a si ahcun minute 5 chung ah kah ding in Thai runvennak Vuanci Suthin Klangsaeng nih April 11 ah nawl a chuah tiin Thai media Khaosod English nih an langhter.
Thailand thlanglei, Tak pengchung ah ramri lonh in kahdohnak a um caah atu bantuk in nawl an chuah, tiah Myanmar Now nih cun a langhter.Ramri uknak ah a biapi ngai mi Myawaddy khuapi cu KNU nih an uk cang caah SAC lei nih hin laak ṭhan ding ah vanlei kahdohnak hi an tuah khawh.
Myawaddy um SAC ralkap Khah-Lah-Yah 275 sakhan cu April 11 zing suimilam 4:20 hrawng ah hriamnam tampi he kan laak, tiah KNU nih an thanh i, SAC ralkap zeimawzat cu Thailand lei ah an rak zaam. KNU nih khuapi an laak hnu in Thailand ralkap zeimawzat zong ramri an phan ve.
Hakha Khuapi Kahdohnak Update.Nihin April 12, Zinglei 9:30am ah SAC Vuanci zung a kai mi pawl cu CDF-Hakha nih Hakha khuathar, Thantlang lampial ah rak bawh in an kah hna i an kah hna tlawmpal ah SAC ralkap zeimawzat an phan colh.
Kah hliamh mi hna cu
၁။စီးပွားရေးဝန်ကြီး
၂။လူမှုရေးဝန်ကြီး
၃။လူမှုရေးဝန်ကြီးa nupi
၄။လူမှုရေးဝန်ကြီး a driver
၅။နယ်လုံဝန်ကြီး i a ralveng tu ralkap pa
၆။ palek 1
Mah minung 6 le an mawtaw 5 i a body le thlalang pawl an rawk hna tiah theih a si. Hliamtuar hna hi siizung ah an tlikpi hna i an dirhmun zei a lawh theih si rih lo.Bawipa thawngin mipi ralkap lei an nih kan him dih.
Thawngpang Dang Rak Rel Chih :BPLA Sin Ah Raltuk Cawnnak A Dih Mi Mino An Tam.SAC nih Myanmar ram mino ralkap tlak dih ding ti mi phung nunter in, hramhram in mino pawl an tlaih hna hnu ah mino tam ngai cu Burma People’s Liberation Army(BPLA) sin ah an lut i raltuk cawnnak an ngei kho, tiah theih a si.
Karen ramkulh hrambunh Burma People’s Liberation Army(BPLA) a voi 6nak raltuk cawnnak ah a kai mi mino cu an tam ngai, tiah an chim i SAC nih mino ralkap tlak dih ding ti mi phung an nunter ṭhan hnu in training a kai mi an tam khun, tiah an chim.
“SAC nih phung an chuah mi hi mino cheukhat ca ah cun tualchung hriamtlai phu sin luhnak caan ṭha ngai a si i, nulepa sin chim ding zong ah chimnak caan rem ngai a si,” tiah training kai mi mino cheukhat nih an chim.
Yangon khuapi in BPLA sin ah training a kai mi Be-U nih cun, “Hika hmun training kai ding in ka nu nih amah pumpak bak in kan unau hnih in a kan thlah,” tiah a chim.”April 10 ni ah training a dih mi mino a tam-u cu ral hmai kal ding in timhcia an si,” tiah ṭuanvo ngeitu nih an chim. Atu lio hi BPLA ralkap pawl cu Karen ramkulh, Hpapon peng le Shan ramkulh thlanglei, Hsihseng ah kahdohnak an kalpi cuahmah hna, tiah theih a si.
SAC ralkap nih hramhram in nawlngeihnak an laak hnu kum 3 leng chung ah tualchung hriamtlai phu sin ah pehtlaihnak tuah in dohthlennak ah aa tel mi mino an tam ngaingai i pehtlaihnak a tuah cuahmah mi mino tampi an um rih, tiah tualchung hriamtlai phu a dirkamhtu hna nih an chim.Credit : The Chin Post
Leave a Reply