I Ralring Cio Kan Hau, Kalaymyo Ah Pastor Pahnih An Tlaih Hna. An Thlah Than Hna Nak Kong Chim Awk That Lo Bak Khi Si

I ralring cio kan hau, Kalaymyo ah Pastor pahnih an tlaih hna. Min chim awk a tha lo mi, Kalaymyo in pastor te pahnih hna cu an phone an check piak hna hnu ah, an phone chungah anmah le khua Facebook Group ah members an si caah, SAC a doh mi nan si tiah an tlaih hna.

Atu belte cu an thlah than cang hna nain, an tlaih than hna nak a ruang hi chim awk bak a tha rihlo tiah thawng kan thei.Crd: Chintalk

Thawngpang dang: April 12 – 2009 April 10 in an rak dirh mi Arakan Army (AA) cu 2024 April 10, kum 15 a tlin ni ah Arakan Army ti si ti loin Arakka Army (AA) tiah min an thlen cang.

Minung 26 in an rawk thawk lio ah MNDAA hruaitu U Pheung Kya-sin nih meithal zuun 100 le RPG 2 a rak pek hna tiah AA Commander in Chief Major Twan Mrat Naing Nih U Pheung Kya-sin ruak thlahnak ah a rak chim.

AA nih atu ahcun Rakhine ram ah SAC ralkap he kahdohnak a tuah cuahmah i Rakhine ramchung peng 8 le Paletwa peng zong a tlaih khawh dih cang.

Rakhine mipi hnatlakpinak le thazang peknak tha tein a hmu mi AA nih mipi himnak aa-ma-khan telh in zauk phung lennak aa-ma-khan zong aa zuam cuahmah lio a si tiah AA lei chim phuannak nawl a ngeitu Khine Thukha nih The Irrawaddy Burmese ah a chim.

Atulio AA hmuitinh dirhmun le ramkhel dirhmun kong he pehtlai in AA chimphuannak nawl a ngeitu Khine Thukha kha Tne Irrawaddy Burmese nih biaruahnak a tuah mi a si. Muicawl – The Irrawaddy Burmese. The Chinland Post