Chinmi veve an si. Myanmar Star le Myanmar Idol ti khi min aa dang. Aho hlasak AW khi dah na uar deuh>>>>>>>>

Chinmi veve an si. Myanmar Star le Myanmar Idol ti khi min aa dang. Aho hlasak AW khi dah na uar deuh

Kah bawmh ding in a kal mi SAC ralkap kah an tong; Battalion Commander le a changtu tel in 60 deng an tlaih hna. April 13 || Kahdohnak bawm ding in a kal mi SAC ralkap phu cu lam tanṭim ah Karenni ralkap phukomh nih an kah hna i, battalion commander le a changtu tel in 58 an tlaih hna tiah theih a si. April 11 zinglei sml. 4:00 hrawng ah Karenni ramkulh, Bawlakhe in Hpasaung khua lei ah kahdohnak bawm ding in a kal mi SAC ralkap 100 hrawng cu

Papu khua pawng ah an kah hna. “Battalion commander le commander changtu tel in 58 kan tlaih hna. Hma a pu mi zong an um i kan thlop hna,” tiah ralram thawng hram nih a chim. Hpasaung khua hrambunh SAC ralkap battalion Kha La Yah – 134 le Kha La Yah – 135 cu Karenni ralkap phu komh nih an kulh hna i thla hnih chung an kah cang hna. SAC nih vanlawng in bomb a thlak caah Hpasaung khuachung inn zatuak 80 tluk a kaang cang tiah theih a si.

Min Aung Hlaing Thlak Timh Ruang ah Ralbawi Cheukhat Tlaih an Tong  April 12 || SAC Chairman Min Aung Hlaing ṭhumhthlak ding in rian an ṭuan tiah puh mi ralbawi pahnih le USDP Party cungtel upa pakhat cu SAC ralkap nih an tlaih hna, tiah theih a si.  Tlaih a tong mi hna cu U Thein Sein chan ah Myanmar ram cinthlak lei vuanci a rak ṭuan mi U Myint Hlaing, Min Aung Hlaing ruahnak petu Lieutenant General Nyo Saw le

Lieutenant General Aung Soe an si.  U Myint Hlaing cu April 9 ah khan an tlaih i ni hnih a rauh hnu April 11, zaan sml. 9:00 hrawng ah Lieutenant General Nyo Saw le Lieutenant General Aung Soe zong an tlaih ve hna.  Min Aung Hlaing thlak ding in an i zuam ruang ah an tlaih hna tiah thawngpang a leng ngaingai nain an pathum ning in ziknawh eihmuarnak case in tazacuai an si. Nihin April 12 zong ah Naypyidaw khuapi chung lamṭe le luhchuahnak kip ah SAC ralkap nih runvennak chah ngai in a tuah i ralbawi dangdang tlaih an timh mi hna an um rih kho, tiah an zumh.

Kachin ramkulh ah RC Father pakhat Missa raithawinak tuah lio ah meithal in an kah April 12 || Kachin ramkulh, Mohnyin Catholic Biakinn in Rev. Fr. Paul Khui Shane Om cu April 12, zinglei Missa raithawinak an tuah lio ah aho ti hngalh lo mi pahnih nih meithal in an kah tiah theih a si.“April 12, zinglei sml. 7:00 hrawng ah a hmai aa hup mi minung pahnih nih meithal in an rak kah,” tiah Catholic Youth cahmai nih a tial. Rev. Fr. Paul Khui Shane Om cu meithal zun nga in an kah i zun thum nih a khen caah sii-inn ah an thlop cuahmah tiah theih a si. A kaptu ahodah an si ti mi tu cu hngalh an si rih lo. Rev. Fr. Paul Khui Shane Om cu kum 40 a si i Chin miphun, Mindat peng mi a si tiah theih a si.  Photo: Catholic Youth

Jacob R Thang:  AA Tawka Liak, AABrotherhood, Tribalism Lengin an ruahnak a tiva ral a pet kho rih lo mi Zawngthumrual. zawngthum Rual nih AA Kum hleinga tlin nak an lawh pi ve..Hihna pawl hi teinak kan hmuh tik zong ah Tribals in kan i hua beh te lai.. A ruang cu An Nih cu An mipi sin ah Halkha Thantlang le CNA/F huat nak lawnglawng cii an tuh lio ah kan nih nihcun Nan kal danphung hi a dik lo ti lawng kan ti hna.. Mara Ram ah

CNA a thli tein a kap tu hna taktak cu Zawngthum rual le AA an si. An nihnih cun CNA thah cu rawl thaw bik ah an ruah i. Chin state kilven lo in meithal an an zuar men.. Cu caah tribalism huat nak an chuah pi. Hmai lei kan techin fapar tiang hihi hna pawl he cun kan i rem kho ti men lai lo. AA Chinstate in ka dawi te tik hna ahcun Nan takpherh nan i kheuh cawk te lai lo..

Paletwa In Khawmawi Ah Aa Dor Mi Hna Nih Bawmhnak Tlawmte An Hmuh || 13 April 2024 Paletwa kan unau hna cu a luancia March thla donghlei ah khan AA ral ṭih ruangah Lawngtlai peng, Khawmawi khua ah minung 85 an rak phan. Khawmawi khua an phak ahhin zeihmanh an ngeih mi a um lo, an tak lawng taktak in an rak phan i rawlchuannak umkheng le hnipuan zong an i ken kho lo. Ei awk facang zong an ngeih lo caah Khawmawi khua mi khuahngal deuh nih an si khawh tawk in thaithawh zanriah chumh awk facang an rak pek hna. Khawmawi khua an rak fuh ah hin

Pu Ṭuan Ceu(Hakha Farawn Khua) nih a inn ah a tlunter hna i amah nih a rak zokhenh hna. Rawlchuannak belkheng le an umṭhutnak ding tiang amah nih a rak tawlrel piak dih hna. Khawmawi kan unau ralzam hna thawng hi Khawmawi um mi Philip Aungte nih a kan thanh tikah The Chin Post Journalist (Ram ukhnin) cu an sinah ka va kal kho i, an harsatnak vialte a va hmuh dih hna. TCP Journalist nih cun, “Zaangfak tuk an si ti pinah chim ding dang a um lo. Cucaah keimahle ka si khawh tawk in bawmhnak halpiak ka timh hna. Hawikom le chungkhat sahlawh sinah

bawmhnak ka halpiak hna i, a bawmtu hna nih hin Pathian hmai an zah i an ngeih hlei si loin an ngeih chunh mi an van bawmh hna,” tiah a chim. Bawmhnak a petu hna cu :- 1. Pi Nun Tha (USA) – Rs 10,000 2. Val Thawng Mang (USA) – Rs 7,000 3. Pu Bawi Thang (USA) – Rs. 5,000  4. Pu Tlang Cung (Korea) – Rs. 5,000. Bawmchanhnak a petu nan dihlak cungah Pathian nih a let tampi thluachuahnak in pe ko hna seh.

Hpasawng In A Ra Mi SAC Ralkap Pawl An Kah Hna, Battalion Commander Telh In Ralkap 58 An Tlaih Hna | 2024 April 13 — Karenni ram, Hpasawng khua ah bawmhnak pek ding in a kal mi SAC ralkap pawl an kah hna i Battalion Commander Lt. Colonel telh in SAC ralkap 58 a nung in an tlaih hna tiah Khit Thit nih a langhter. April 11 zinglei sml 4:00am hrawng ah Bawlakhe peng in Hpasawng khua lei ah bawmhnak pek ding in a kal mi thazang 100 hrawng SAC ralkap phu pawl cu Papu khua pawng ah Karenni dothlennak phu pawl nih an kah hna i Battalion Commander Lt. Colonel telh in

ralkap tampi an tlaih hna. Cubantuk in March 20 lio zong ah Bawlakhe khua in Hpasawng lei a kal mi SAC ralkap pawl an rak kah bal cang hna i Byuha-hmu telh in ralkap 15 an rak i hliam, 16 an thi i 1 a nung in an rak tlaih. February 29 in an thawk mi Hpasawng kahdohnak ah SAC ralkap sakhaan cheukhat Karenni dothlennak phu nih an lak khawh. Hpasawng khua ah SAC ralkap LIB 134 le 135 an um i khua la kho ding in adang sakhaan pawl zong an kah cuahmah lio a si.

Kah bawmh ding in a kal mi SAC ralkap kah an tong; Battalion Commander le a changtu tel in 60 deng an tlaih hna. April 13 || Kahdohnak bawm ding in a kal mi SAC ralkap phu cu lam tanṭim ah Karenni ralkap phukomh nih an kah hna i, battalion commander le a changtu tel in 58 an tlaih hna tiah theih a si. April 11 zinglei sml. 4:00 hrawng ah Karenni ramkulh, Bawlakhe in Hpasaung khua lei ah kahdohnak bawm ding in a kal mi SAC ralkap 100 hrawng cu

Papu khua pawng ah an kah hna. “Battalion commander le commander changtu tel in 58 kan tlaih hna. Hma a pu mi zong an um i kan thlop hna,” tiah ralram thawng hram nih a chim. Hpasaung khua hrambunh SAC ralkap battalion Kha La Yah – 134 le Kha La Yah – 135 cu Karenni ralkap phu komh nih an kulh hna i thla hnih chung an kah cang hna. SAC nih vanlawng in bomb a thlak caah Hpasaung khuachung inn zatuak 80 tluk a kaang cang tiah theih a si.

Min Aung Hlaing Thlak Timh Ruang ah Ralbawi Cheukhat Tlaih an Tong  April 12 || SAC Chairman Min Aung Hlaing ṭhumhthlak ding in rian an ṭuan tiah puh mi ralbawi pahnih le USDP Party cungtel upa pakhat cu SAC ralkap nih an tlaih hna, tiah theih a si.  Tlaih a tong mi hna cu U Thein Sein chan ah Myanmar ram cinthlak lei vuanci a rak ṭuan mi U Myint Hlaing, Min Aung Hlaing ruahnak petu Lieutenant General Nyo Saw le Lieutenant General Aung Soe an si.

U Myint Hlaing cuApril 9 ah khan an tlaih i ni hnih a rauh hnu April 11, zaan sml. 9:00 hrawng ah Lieutenant General Nyo Saw le Lieutenant General Aung Soe zong an tlaih ve hna.  Min Aung Hlaing thlak ding in an i zuam ruang ah an tlaih hna tiah thawngpang a leng ngaingai nain an pathum ning in ziknawh eihmuarnak case in tazacuai an si. Nihin April 12 zong ah Naypyidaw khuapi chung lamṭe le luhchuahnak kip ah SAC ralkap nih runvennak chah ngai in a tuah i ralbawi dangdang tlaih an timh mi hna an um rih kho, tiah an zumh.