Loikaw Peng Konethar Khua SAC Ralkap Vanlawng Bomb Thlaknak In Tualchung Mi 6 Nunnak A Liam I Minung 10 Hliamtuar.Karenni ramkulh, Loikaw peng, Konethar khua ah nihin April 20, chun suimilam 11:50 hrawng ah SAC ralkap nih vanlawng in bomb an thlak ruang ah kum tling lo ngakchia telh in tualchung mi 6 nunnak a liam i minung 10 hliam an tuar, tiah theih a si.
Nihin April 20, chun suimilam 11:50 hrawng ah cun SAC ralkap nih vanlawng in pound 300 a rit mi bomb lung hnih an thlak ruang ah Konethar khua mi kum 5 tang ngakchia pahnih telh in tualchung mi 6 nunnak a liam i minung 10 hliam an tuar, tiah Kayan New Generation Youth-KNGY nih an thanh.
“Nihin Konethar khua bomb thlak ruang ah cun tualchung mi chung in nu pahnih, pa pahnih le kum tling lo nu ngakchia pahnih an i tel,” tiah tualchung pakhat nih a chim. Konethar khua bomb thlaknak ah tualchung um an umnak inn 20 hrawng a rawk, tiah theih a si.
Thawngpang Dang Rakrel Chih :PDF-Zoland Nih An Hriamnam Pawl An Pholangh.Mizapi nih bawmh mi hriamnam pawl a phan cang, tiah PDF-Zoland nih nizan April 19 ah thawng an thanh.Ramchung, ramleng ah a um mi mizapi nih bawmh mi hriamnam pawl cu kan sin ah a phan cang tiin PDF-Zoland nih mizapi sin ah an langhter.
A luancia February thla dongh lei ah a voi 13nak raltuk cawnnak Basic Training an dih hnu ah atu bantukin hriamnam an vun langhter.Zapi nih chunmang kan manh i kan i tinh cio mi SAC ralkap nawlngeihnak a hram bongh ding ca ah pehzulh in mizapi nih bawmhchanhnak tuah rih ding in ZFU/PDF-Zoland nih nawlnak an tuah.PDF-Zoland cu Chinram, Tedim peng ah hrambunh mi hriamtlai phu an si i Chin hriamtlai phu unau chungtel an si.
Up Date : Poi Kho Tuk :Passport A Rak I Tuah Mi CDM Rianṭuantu Paoh Tlaih Ding In SAC Nih Nawl Chuah.Hramhram in nawlngeihnak a latu SAC ralkap uknak ṭha lo dohkalh in a cawlcang mi CDM rianṭuantu pawl cu ramleng kalnak vanlawng Ticket pek lo ding le Passport an i tuah tikah tlaih ding in SAC nih nawl an chuah, tiah Myanmar ram chung siangcachim phu in ṭuanvo ngei Ko Kyaw Way Phyo nih nihin April 19 ah RFA a chimh.
“A luancia March 26 ni ah Yangon Airport ah ramleng kal aa tim mi CMD rianṭuantu pahnih tlaih an ton hnu in CDM rianṭuantu cung ah fak deuh in cawlcangh an i timh caah atu bantukin SAC nih nawl an chuahnak a si,” tiah Ko Kyaw Way Phyo nih cun a chim.
“CDM rianṭuantu pawl hi ram chung ah an him ti lo caah ramleng ah phungning tein a lut mi le phunning lo in a lam kip in a lut cang mi tampi an um cang, atu bantukin ramleng chuah aa tim mi CDM rianṭuantu pawl cu a hlan ah SAC ralkap nih an rak tlaih bal cang hna, ka theihhngal mi pahnih zong ramleng chuah an i timh caah an rak tlaih hna i nihin tiang an thawng kan thei kho ti hna lo,” tiah CDM tuah mi fimcawnnak zung rianṭuan pakhat nih a chim ve.
Ministry kip nih CDM a tuah mi rianṭuantu an konglam cu April 18 ni tiang ah laak dih ding le ramleng kalnak vanlawng Ticket an cawk tik le Passport an i tuah tikah tlaih ding in SAC nih March 30 ni ah nawl an chuah, tiah CDM tuah mi nih an chim.NUG sin cazin an pek mi ning ah hramhram in nawlngeihnak a latu SAC ralkap uknak ṭha lo duhlonak langhter in CDM a tuah mi vialte hi sing 4 leng an si.Credit : The Chin Post
Leave a Reply