Myawaddy lei a Panh mi SAC Ralkap Tank le Motor pawl Karen Hriamtlai nih an Hrawh Khawh Hna.Karen ramkulh, Myawaddy lei ah bawmh ding in a kal mi SAC ralkap Tank (Armoured vehicle) le Machine Gun an tarh mi motor pawl cu Daw-Nah tlang hram ah Karen hriamtlai KNLA le PDF nih nizaan April 21 ah an hrawhpiak khawh hna, tiah theih a si.
Thailand-Myanmar ramri Myawaddy khua i a donghnak bik SAC ralkap sakhaan (Kha La Ya 275) cu Karen hriamtlai nih an rak laak i Kha La Ya 275 ah a um mi SAC ralkap pawl cu Thailand-Myanmar ramri hlei pawng ah an zaam hna.
Nizaan ah an hrawh mi SAC tank le motor pawl hi ramri hlei ah a um mi SAC ralkap pawl bawmh ding in a kal mi an si, tiah an chim.Bawmh ding in a kal mi SAC ralkap pawl cu Daw-Nah tlang hram ah KNLA le PDF nih an kah hna i SAC raldohnak tank pakhat le Machin Gun an tarh chih mi motor paruk an hrawhpiak khawh hna, tiah theih a si.
Rak Rel Chih :Hakha Khuathar Sang Chung Dawr Vialte Khar ding le Biakinn ah Minung 5 Cung i Pumh Lo ding in SAC nih Nawl a Chuah.Hakha Khuathar sang chung i dawr vailte khar dih ding le biakinn ah minung panga le panga cung i pumh lo ding in nihin April 22 ah SAC nih nawl a chuah, tiah thawng kan theih.
April 12 ah Khuathar lamton ah SAC vuanci pawl an i cit mi motor kah a ton caah atu bantuk hin Khuathar sang chung mi hna ca ah SAC nih nawl a chuah hi a si. CDF nih mizapi inn le biakinn pawl ah hmunhma la in SAC VIP motor an kah caah upa cheukhat tel in hliamhma a pu mi an um, tiah nawl an chuahnak catlap ah SAC nih a langhter. A cunglei SAC nawl chuah mi cu nawl chuahnak thar a um hlanlo June 20 tiang a hmun lai, tiah an langhter.Credit : The Hakha Post
Leave a Reply