Na Hmuh Ning Hun Chim Ve. Tu An Taarmi Oneset Khi USA Tangka In $9,200 Bak Asi

Na hmuh ning hun chim ve. Laithil hi manfawi tein serchuah le zuar sisehlaw mikip hruk khawh dingin a tha deuh hnga maw?

Silo cun Laithil hi a tthat ning le a quality athat ning hi a langh ve a tha ko, cucaah manfaak mi thiltuam ah serchuah ahau tiah dah na ruah ve. Tu an taarmi oneset khi USA tangka in  $9,200 asi.Tulio Kawlram tangka cun  Singza leng hrawng man asi.Crd:Salai William HC

Thawngpang dang: Chin hriamtlai phu unau nih a kalpi mi Operation nih aa tinh mi bantukin Kyindwe khuapi kahdohnak ah SAC ralkap nih zeitluk hmanh in thazaang chap in vanlawng in kahdohnak tuah hmanh seh law hnu kan tolh hrimhrim lai lo, tiah Chin hriamtlai phu unau nih an thanh.

Chin hriamtlai phu unau nih Kyindwe khuapi kan laak hlan lo fak deuh in kahdohnak an kalpi lai i khuapi laaknak ding ca ah a lam kip in a kan bawmtu AA cung ah a hlei in lawmh bia kan chim, tiah Chin hriamtlai phu unau nih cun an thanh.

Kyindwe khuapi cu a liamcia 2023 December 22 ni in Chin hriamtlai phu unau nih kah hram an rak thawk i a luancia April 20 ni tiang kahdohnak an kalpi ko nain SAC ralkap nih ralkap thazaang chap in vanlawng in kahdohnak an tuah ruang ah Kyindwe khuapi an laak khawh rih lo kong Chin hriamtlai phu unau nih mizapi sin ah theihternak an tuah.

Chin hriamtlai phu unau ti mi cu Zomi Federal Union(ZFU), Chin National Organization(CNO), Chin National Council(Mindat), Maraland Territorial Council(MTC), Chin Defense Force – Kanpetlet(CDF-Kanpetlet) le Chinland Defense Force-Matupi(Brigade 1) i fonh in dirh mi phu a si. The Chin Post