Paletwa Peng Phukip Tonnak An ngei I Chinland Council He Rianṭuanṭi Ding In Biakhiahnak An Tuah. Chinram, Paletwa peng phukip tonpumhnak cu a luancia April 5-6 tiang, ni hnih chung CDF-Paletwa uk mi hmunram chung ah tlamtling tein tuah a si i Chinland Council he rianṭuanṭi ding in biakhiahnak an tuah. Cu tonpumhnak ah cun mizapi aiawh in sawm mi palai 122, Interim Khumi Affairs Corridination Council(IKACC) le Paletwa Autonmous District Council(PADC) in palai 96 le khuallian 18, an zate 136 an i tel kho.
Paletwa peng phukip tonpumhnak ah cun Paletwa Autonmous District Council(PADC) kum khat chung a rianṭuannak zohṭhan in Paletwa peng ramkhel, kahdohnak kong le zatlang ukhruainak kong ceihmainak ngei in a hlan ah an rak ser mi Paletwa Autonmous District Council(PADC) rak ti mi cu Paletwa Council, tiah an thlen.
Paletwa Council nih aa tinh mi cu, “Chinland Council he rianṭuanṭi in tinh mi aa khat mi pau dohthlennak ah thazaang a chuah mi vialte he ṭangṭi in Paletwa Council chung ah a um mi mizapi he a herh mi phunglam le hmailei rianṭuannak ding suaisam in SAC ralkap nawlngeihnak a hram bongh in Federal Demo. The Chin Post
Thawngpang dang: Malaysia Ah Chin Mi 1 Mahte Hri Awh Naak In A Nunnak A Liam. 2024, April 24 ah Malaysia ram, Kuala Lumpur khuapi chung rawldawr pakhat ah rianṭuan liomi chin pa 1 cu mahte hri awh naak in a nunnak a liam, tiah Mara Community Committee Malaysia sin in kan theih.
Chin ramkulh, Thantlang peng, Mara miphun kum 20 tluk mino pakhat cu 2024, April 24 ah a rianṭuan naak hmun ah mahte hri awh naak in a nunnaak aa la, tiah theih a si.
“Zing suimilam 8:00 tluk ah a ruak in hmuh a si i, zeiruang ah dah mah bantuk thil a tuah timi konglam he pehtlai in zeihmanh theihfian khawh mi a um rih lo, Myanmar ram a buai hnu in Malaysia ah kum 2 tluk hrawng khuasa mi a si tiah” Mara Community Committee Malaysia nih an langhter.
2024, April 25 ah Mara Community Committee Malaysia chiatṭhat zohkhenh tu phu nih a ruak hi Khrihfa phungning tein an vuai tiah theih chih a si. Lungmili Post
Leave a Reply