Fiang Pup In Chim Lawlaw Usih. CNO Le PDF Zoland Nih Falam Le Tedim Kah An Duh Lonak A Ruang Bik Cu, Ralhrang Tender Tuan Hna Sinin Tangka An Hmuhmi

Fiang Pup In Chim Lawlaw Usih. CNO Le PDF Zoland Nih Falam Le Tedim Kah An Duh Lonak A Ruang Bik Cu, Ralhrang Tender Tuan Hna Sinin Tangka An Hmuhmi a dongcat lai ti an phan caah.

Tedim le Falam lei hriamtlai nih ralhrang tender ttuan an on i, mah tender latu hna sin in tangka an laakmi cu, Tedim le Falam ah kahnak um cun tender in hmuhmi tangka an hmuh ti loding kha an ruah ah an celh lo.

Ramleng an supporters tu hna sinin an hmuhmi tluk dengin an pengchung ralhrang tender tuantu hna sin in tangka 10% an laakmi lohtlau lai an ruah khawh lo ruangah ralhrang theih colh dingah kawlca bakin cathanh an chuah nak kha a si tiah khika lei upa zeimaw hna sinin kan theih.

Thawngpang dang: Falam Peng Ah Kahdohnak Tuah Lo Ding In CNDF Nih CNA Theihter. A luancia April 24 ni ah Chin National Defense Force (CNDF) nih Falam peng ah kahdohnak tuah lo ding in Chin National Army (CNA) cu an theihter hna.

SAC ralkap an umnak Falam khua cu lak ṭhan ding ah CNO/CNDF nih kum cheu deng timhlamhnak kan ngei cang i a tlamtling lai zong kan zumh caah CNDF le Chin Unau (Chin Brotherhood) theihpinak le lungtlinpinak tel lo in kahdohnak nan tuah lai lo, tiah CNDF nih CNA cu ca an kuat hna. “CNA nih dothlennak nan tuahnak ah teinak hmu hram u” tiah CNDF nih an cakuat ahcun an langhter chih.

Atu bantuk ṭhiamṭhiam in PDF-Zoland zong nih a luancia April 17 ni ah Tedim peng ah kahdohnak tuah lo ding in CNA cu ralrin an rak pek hna. “Tedim khuapi laaknak ding ca ah zatuak 90 timhlamhnak kan ngei i, kahdohnak kan kalpi tikah a herh a si ahcun ṭangṭi ding in a hlankan in kan in theihter te ko hna lai, a hlankan in kanmah theihpinak le ceihmaipinak um lo in Tedim khuapi chung ah luhchuah le cawlcanghnak a um ahcun i timh lo ning in i kahnak a chuak kho mi a si caah PDF-Zoland nih cu bantuk cawlcanghnak cu kan kham,” tiah an thanh bal ve.

Cu kong he pehtlai in CNF/A chimnak nawlngei Salai Htet Ni nih cun, “Khuapi laak ding in kahdohnak kalpi timh mi kong ah hmunram ngeitu CDF cheukhat nih kan hmunram chung ah kahdohnak nan tuah kho lo tiin ca in seiseh an bia in siseh an kan ti tawn ti mi cu ngaihchia ngai a si, asinain kahdohnak cu hngah awk a ṭha lo i anmah caan pek awk an ṭhat lo caah kan si khawh chung in kahdohnak kan kalpi ko lai,” tiah Chinland Information Center(CIC) ah a chim.Thechinpost