CNF/A nih Thantlang le Hakha tu hi nan kah ding si tiah Chin Brotherhood hriamtlai phu hna nih cathanh an chuah. CNF/A nih hin nanmah hmunram a si mi Thantlang le Hakha tu ahhin kahdohnak nan tuah awk le nan kah ding a si tiah Chin Brotherhood hriamtlai phu hna nih May 1 ah cathanh an chuah.
Cathanh an chuah mi chung ah, “Kanmah hmunram cu kanmah te laak ding in timhlamhnak tha kan ngeih lio ah ramkhel lei laak hmasa le i cuh hmasa in CNF/A nih nan i timhlamh hi cu kan duh lo. Nan i timhlamh mi hi mah le mah kar ah thisen a luang kho mi a si,” tiah aa tial. ChinTalk
Relchap: Mandalay Ah Ni Linhnak In Nikhat Chung Ah Minung 10 Leng An Thi. 2024, April 29 ah nikhat chungin Mandalay ah ni linhnak in nunnak liammi minung 10 naak tlawmlo an um. April thla chung lawngah nunnak liammi dihlak fonh minung 40 naak tlawmlo an si cang, tiah Mandalay hrambunh chiatṭhat zohkhenh tu phu sin in kan theih.
Ni linhnak a fak bik caan April thla chung ah ni linh tuar (Heat Stroke) zawtnak in a thi mi le sii-inn ah a zohkhenh mi an karh chin lengmang, nikhat chungin a thi mi lak ah hin (Heat Stroke) in a thimi 1 cu an i telchih peng tiah an langhter.
(Heat Stroke) zawtnak in micheu khat cu sii-inn an i zohkhenh hnu ah an thi mi zong an um, cubantuk ṭhiam in micheu khat cu a dam mi zong an um ve, tiah M-Rescue chairman U Khin Maung Tin nih a chim. Crd:Lungmilipost
Thawngpang dang: 2024, March le April thla chung ah Kenya ram ah ruahsur ti lianhnak in nunnak liammi minung 170 naak tlawmlo an si cang, tiah cozah rianṭuantu hna nih an langhter.
Kenya President William Ruto nih an ram ruahsur ti lianhnak nih a chuahpimi buainak dihlak tawlrel ding in tonbiaruahnak (meeting) a kawh tiah theih a si.
Nairobi khuapi in meng 37 tluk aa hlatnak Maimahiru hmunhma ah umhmun khuarmi tualchung mipi hna cu zaan an i hngilh kar ah ti lianhnak nih a phak hna i minung 50 an thi, tiah chiatṭhat zohkhenhtu phu nih an chim.
A luancia thla hmasa khan ruahsur ti lianhnak in Kenya ram ah minung 100 naak tlawmlo an thi. atu tiang in nunnak liammi an karh chin chin tiah ṭuanvo ngeitu hna nih an chim.
Pehzulh in ruahsur a fah peng caah sianginn caan zeimawzat chung phihkhar rih a si lai, ti lianhnak nih khuasaknak inn 130,000 leng a rawk tiah an langhter chih.
Kenya ramah ruahsur nasa chhunzawm zel avangin sorkarin sikul hawn a tum chu a tlai deuh a rinawm a, tuilian vangin mi 130,000 chuang chenna in nei loin an awm tawh bawk.
2024, January thla thawk in an innpa Tanzania le Burundi zong ah ruahsur ti lianhnak in minung 155 an thi cang, Burundi ah chungkhar khuasaknak inn 100,000 tluk a rawk dih, tiah kan theih. Lungmili Post
Leave a Reply