Kyaukhtu Khuapi No.368 Miakpi Ralhrang In SAC 1 Cu YRA Htilin Sin Ah Hriamthil He Aa Fonh. Magway ramhen, Kyaukhtu khuapi hrambunh No. 368 miakpi ralhrang chung in SAC ralhrang 1 cu hriamthil he mizapi sin aa fonh caah tangka sing (50) laksawng an pek, tiah YRA Htilin sin in theih a si.
“2024, May 1 ah SAC ralhrang 1 cu MA1 meithal zuun 1 le kuanfang 500 he YRA Htilin sin aa fonh caah tangka sing (50) kan pek, a chim mi cu kan fir chom in kan ei, eidin hrukaih zong ah kan harsa tuk, SAC ralhrang si hi ka lung a dongtuk cang tiah a chim, amah cu a himnak hmun ah kan thlah” tiah YRA Htilin in Thakhin Zaw nih a chim.
YRA Htilin sin ah aa fonh mi SAC ralhrang le palik telh in 25 hrawng an si cang, tiah a chim chap. Lungmili Post
Thawngpang dang: Chinram, Thantlang peng khuate cheukhat hna ah thlichia a hrang i rial a tlak ruang ah inn a rawk mi a tam, tiah theih a si.
Nizan May 2 zanlei in thlichia hran hram aa thawk i zankhuadei ti tluk a hran ruang ah Thantlang peng khuate cheukhat umnak inn a rawk mi an tam, a cheu cu thlichia nih inn cungcih a hawh mi le a cheu cu rial tlaknak in a awng dih mi an si kong tualchung mi nih The Chin Post ah an chim.
Nizan May 2 a hrang mi thliachia ruang le rial a tla mi ruang ah Lungler khua ah inn 50 hrawng, Sihhmuh khua ah inn 30 hrawng, Ruakhua 52, Vanzang 23, Hmunlipi 7, Thau 10 le khua dangdang zong ah a rawk mi an um pah, tiah theih a si.
Cu bantuk ṭhiamṭhiam in Mizoram ramkulh chung khua cheukhat zong ah inn a rawk mi a tam ngai ve, tiah theih a si. Hmanthlak : Hnahthial ralzam camp thlichia nih a hrawh mi
Leave a Reply