Jacob R Thang: ZRA Doh Ruah Ah A kal Mi Kan Si lo.. Nain.. ZRA hi Raldoh kan kal poah ah hnahnawh nak a kan pek zungzal tu an si>>>>>>>

Jacob R Thang: ZRA Doh Ruah Ah A kal Mi Kan Si lo.. Nain.. ZRA hi Raldoh kan kal poah ah hnahnawh nak a kan pek zungzal tu an si

Jacob R Thang: ZRA Doh Ruah Ah A kal Mi Kan Si lo.. Nain.. ZRA hi Raldoh kan kal poah ah hnahnawh nak a kan pek zungzal tu an si. Raldoh kho lo ding in an kan tuah zungzal ko. Tutan zonghi ZRA doh kan i timh mi a silo.  Zan ah Tlangcung ah cho an kai lioah anmah ZRA nih an kah hmasat hna ruangah an Buiha ning in kan lak lawlaw nak asi.  Zei tin dah ZRA nih an theih ? Ram dang lei um ZRA le PDF Lobby hna nih Cuka cu Chinland Council ralkap an phan cang tiah Online ah an thanh zungzal.  cucu nih cun khua a sual zungzal. Cuticun ZRA le PDF cu

an chimh zungzal hna. Kan nihnih ZRA kah lo ding in Zan bak ah tlangcung kai in cho lei ah kan kai lio ah an kan kah hmasa tik ah cun… Kanmah lei Fallen Hero (Zotung) hi adam ngai ko. Hma apu nain capo zong an kan saihpiak len. Ruah lo pi in ka ti ahal ati. Ti pe hlah uh kan ti hna nain a hawi pa nih arak pek rua i cuticun a kan liam tak mi hi asi.  PDF Zoland nih kan ram nan rat ah cun kankan in kah hna lai antimi cu ZRA le Sahkahsah Uico rual an kan kah ter mi hi asi. A thli teinhawikom ansi lai ti cio ansi.  Cucaah PDF Zoland hruaitu pa nih a timeline ah phisin nak a tuah. Kannih cu Kawl Galkap a kap mi poah kanmah hawi kom ansi tiah ati asi nain practical ah an kah lo ti ah…CNA ralkap zong cu an kah hoi lo tik ah..  Ramdang phaisa pektu hna nih CNA kan doh lai nan ti i nan kan hlen. Uirual adoh mi Chinland Council ralkap nan bawmh hna lo tiah an buai cang. Cucaah thlacam ko uh kansin a ra kho ansi.

Mizoram Ah Myanmar Ralzam 34,000 Leng An Um May 9,2024 2021 February ah SAC nih Myanmar ram uknak hramhram in a laak thawk in Mizoram ah Myanmar ralzam,a bik in Chin mi minung 34,000 leng an um tiah Mizoram cozah cazin ningin theih khawh a si. Mizoram cozah Home Minister zung nih a hnu bik a khawmhsuat mi cazin ning ah Mizoram ah hin Myanmar ralzam 34,346 an um i cu chungah ngakchia minung 13,000 leng an i tel.May 4 tiang cazin ningah Mizoram chung ah ralzam camp 149 a um i

cu camp hna ah cun minung 16,445 khua an sa hna i a tam u minung 17,901 cu camp leng ah khuasak cio a si. Mizoram chung vialte ah Champhai district hi Myanmar ralzam an tam cem nak a si i minung 14,499 an um.Siaha district chungah minung 6,044,Lawngtlai district chungah 5,922 le Aizawl district chungah 2,291 an um fawn. Cubantuk thiam thiam in Khawzawl district chungah 134,Kolasib district chungah 139 le Saitual district chungah 211 an um tiah theih a si. Hi cazin hna hi Mizoram cozah nih a phaak tawk a khawmhsuat mi cazin a si caah a tak ah hi nak tam le tlawm zong a si kho.

Thantlang Peng, Vailamtlang Ah Thli Le Ruah A Faak I Inn 100 Tluk A Rawk | Biangreithlep 9 | 2024  Chin ramkulh, Thantlang peng, Vailamtlang thluan ah thli le ruah a faak i tualchung mi hna inn 100 tluk a rawk, tiah tualchung mi hna sin in theih a si. “A luancia 2024, May 2 ah thli le ruah a faak i Vailamtlang, Bungtlang khua (A) ah inn 44, Bungtlang khua (B) ah

inn 18, Thau khua (A) ah inn 9, Thau khua (B) ah inn 6 le Hmunlipi khua ah inn 22 a dihlak fonh inn 99 a rawk” tiah tualchung mi pakhat nih Lungmili Post ah a chim.Cu bantuk ṭhiam in Thantlang peng, Bungkhua IDPs Camp ah ralhrial in aa dor mi hna umnak inn 130 leng cu May 2 ah a faak ngai mi thli le ruah, rial nih a hrawhpiak hna, tiah theih a si. (Hmanthlak:Crd, A Luancia Mi Hmanthlak A Si)

Tonzaang Khuachung ah Kahdohnak Tuah Lo Ding in Khua Upa le Biaknak Lei nih Nawlnak an Tuah May 9 || Tonzaang khuachung ah kahdohnak tuah lo ding in Tonzaang Khrihfabu kip fonh le khua upa hna nih nawlnak ca an chuah, tiah theih a si.  Atu bantuk in biaknak lei le khua upa lei nih ca an chuahmi kong he pehtlai in “Democracy ram sernak rian a khul fumter le hnahnawhnak pek kan i timh caah a si hrim lo; mizapi zawnruahnak lungthin he nawlnak kan tuahmi a si,” tiah an langhter.  Tonzaang khuami pakhat nih,

“Kha ca an chuahmi kha ahmaanmi a si ko. Khuachung ah kahdohnak a um ahcun inn vialte zong an kaang dih hnga. Mahcahcun, meeting an tuah i khatikhan ca an chuahmi a si,” tiah a chim.  Atukar hrawng Tonzaang khuachung ah kahdohnak a um lai timi thawngpang a len caah Palek sakhaan pawngkam ah a um mi chungkhar 15 hrawng cu hmundang ah an i ṭhial hna.  CDF-Tonzaang nih, “SAC ralchanh in Operation kan tuahmi hi mizapi khuasaknak hrawhhral ding in kan i tinhmi a si lo; SAC ralkap le anmah he a ṭangmi bu pawl ṭhawldawi kan duh hna caah a si,” tiah May 7 ah ca an chuah ve.  Tonzaang peng chung ah hin ZRA an um bang in CDF-Tonzaang, PDF-Zoland le Thado-PDF zong an um, tiah theih a si.