Chinland Defense Force – Daai(CDF-Daai) nih a voi nganak raltuk cawnnak basic training an tuah mi cu nihin May 15 ah tlamtling tein an lim kong CDF-Daai nih an thanh.
CDF-Daai nih tawlrel mi a voi nganak raltuk cawnnak basic training cu thla hnih chung an tuah i minung 100 leng an kai kho, training dih lawmhnak ah cun Daai hmunram zatlang hruaitu, CDF-Daai ralbawi hna le ṭangṭi phu in ṭuanvo ngei pawl an i tel kho, tiah CDF-Daai nih an thanh.
“CDF-Daai cu Chinram a vengtu a si i SAC ralkap nawlngeihnak a hram bongh in Federal Democracy ramkomh ser nakding ah pehzulh in kahdohnak a kalpi ding a si caah mizapi nih thazaang kan chuahpi in nan kutsamh rih in bawmhnak rak kan pe rih ko u law,” tiah CDF-Daai nih mizapi sin ah nawlnak an tuah.
Chinland Defense Force-Matupi Brigade 2 Nih Chinland Council An Dirpi>>>>>>>>
Chinland Defense Force-Matupi Brigade 2 nih Chinland Council an dirpi kong nizan May 14 ah cathanh an chuah.
2024 Febuary 23-25 tiang rak tuah mi CDF-Matupi a voithumnak meeting biachahnak bantuk in Vakok Battalion, Kaisi Battalion, Lisan Battalion le Ai-daak Battalion hna cu CDF-Matupi Brigade 2 in rak dirh a si.
2024 April 10-11 ah CDF-Matupi Brigade 2 riantuantu hna le upa hna tonpumhnak kan ngeih mi ah Brigade 2 phunghram kan ṭial khawh pinah CDF-Matupi Brigade 2 nih Chinram ramkhel dirhmun ah Matupi mizapi tamdeuh nih duh mi Chinland Council cu lungtling tein kan dirpi, tiah CDF-Matupi Brigade 2 nih cathanh ah an langhter.
CDF-Matupi cu ramchung ramleng mizapi bawmhnak thawng in uknak ṭhalo hrawh ding ah le miphun tlukruannak le mahte khuakhan lairelnak, a dikmi Federal ramkomh a chuah khawh nak ding caah dirh a si ni in nihin tiang ral a tu peng mi phu a si, tiah an cathanh ahcun an langhter chih.
Leave a Reply