ZRA cu Bing zuar in si puaizi tuah a tim mi a si ram ca rian tuan mi a si lo.
CNF/ A cu ram caah rian tuan mi an si Chinland ralkap an si.>>>>>>>>
Pago ramṭhen, Letpadan Peng, Yaengan khua pawng ah SAC ralhrang le PDF karlak ah kahdohnak a chuak i ralhrang 1 a thi, SAC nih Yaengan khua an luhhnawh i tualchung mi pakhat an thah pin ah midang 30 leng an tlaihkhih hna, tiah Thayarwaddy pengkomh PDF chung in ṭuanvo ngeitu pakhat nih Khit Thit Media ah a chim.
2024, May 13 zing suimilam 7:00 tluk ah Letpadan Peng, Yaengan khua pawng ah SAC ralhrang le PDF karlak ah kahdohnak a chuak i ralhrang 1 a thi, midang 10 leng nih hliam an tuar, SAC nih hriamngan an kah caah khuate 4 in tualchung mipi cu hmunhimnak ah an zaam hna tiah theih a si.
Kahdohnak a dih hnu ah SAC ralhrang nih Yaengan khua an luhhnawh i tualchung mi pakhat an thah pin ah hmunhimnak ah a zaam lo mi 30 leng ralphaw ah an tlaihkhih hna tiah theih chih a si.
Myanmar ram in a hmasa bik UFC ah aa ṭhua mi Chin pa Salai Joshua Van cu a ra lai mi 2024, Jun 15 ah Russia ram mi Tagir Ulabekov he an i ṭhua ṭhan lai, tiah theih a si.
Salai Joshua Van cu Tsuru Taira he June 2 ah an i ṭhua lai tiah an rak fehter cang nain nihin May 14 zing ah Russia ram mi Tagir Ulabekov he i ṭhuat ding in an thlen ṭhan.
Salai Joshua Van he aa ṭhua ding mi Tagir Ulabekov (Kum 32) cu “UFC Flyweight Ranking” rikhiah mi ah No.12nak ah aa tel mi a si. Voi 17 tiang UFC aa ṭhuatnak ah voi 15 teinak a hmu i voi 2 a sung, tiah theih a si.
Slai Joshua Van cu UFC ah voi 3 aa ṭhua cang i a voi 3 ning tein teinak hmutu a si.
Salai Joshua Van cu a voi khatnak ah Lucas Rocha he i ṭhuat ding in an rak fehter nain Lucas Rocha cu a chuak i Su Mudaerji he i ṭhuat ding in an fehter ṭhan hnu ah Su Mudaerji zong a chuak ve. A voi 3nak ah Tsuru Taira he an fehter ṭhan hnu ah UFC ṭuanvo ngeitu hna nih a voi 4nak Russia ram mi Tagir Ulanbekov he i ṭhuat ding in minung an thlen ṭhan, tiah theih a si.>>>>>>>>
India ram, Mumbai khuapi ah thlichia ṭotho hrannak in lamkam thawngpang tarnak (Billboard) a chim i minung 8 an thi, midang 60 naak tlawmlo nih hliam an tuar tiah ṭuanvo ngeitu hna nih an chim.
Meter 70 tluk a sau mi le meter 50 tluk a kau mi lamkam thawngpang tarnak (Billboard) nih thlichia ṭotho hrannak in khuapi chung inn le datsi dawr a cimhhnawh tiah palik hna nih an chim.
Chiatṭhat zohkhenhtu phu nih pehzulh in chanhchuahnak rian an ṭuan, inn cim le thilri cim mi tang ah minung 20 in 30 karlak an taang rih, hmunhma thianhhlimnak le (Billboard) zohfelnak zong kan tuah tiah Deputy Chief Minister of Maharashtra nih a chim.
Sagaing ramṭhen, Ye-U khuapi Siangsangrun pakhat ah umhmun khuarmi SAC ralhrang pawl cu drone in bomb an thlakhnawh hna caah tualchung mi hramhram SAC lut ding in kuli an phorh ter mi hna minung 8 an luat, tiah Shwebo pengkomh battalion 14 Ye-U PDF chungin ṭuanvo ngeitu pakhat nih Khit Thit Media ah a chim.
2024, May 14 zing suimilam 7:00 tluk ah Ye-U khuapi Siangsangrun pakhat ah umhmun khuarmi SAC ralhrang nih tualchung mi 30 tluk hramhram SAC lut ding in an tlaihkhih hna timi thawng an theih caah mipi ralkap nih Fixed-Wing Drone 2 in bomb 2 an thlakhnawh hna i tlaihkhih mi minung 30 lak ah 8 an luat, tiah theih a si.
“Siangsangrun chung ah tualchung mi 30 tluk an tlaihkhih hna an um cu lak ah 8 an luat i midang 20 tluk an taang rih” tiah tiah Shwebo pengkomh battalion 14 Ye-U PDF chungin ṭuanvo ngeitu pakhat nih a chim.
Kahdohnak ah aa telmi hriamtlai ṭangṭi phu hna cu Shwebo pengkomh battalion 14 le Ye-U PDF hna an si. Drone bomb thlakhnawh naak in SAC ralhrang thi le hliamtuar hlathlainak an tuah lio a si tiah an langhter.
Leave a Reply