Chinram Tonzaang khuapi cu Chinland ralkap nih laak dingin an nam cuahmah cang.Mah kahnak kong cu Tedim holh hmang news nih an hun thanh.
Tuhi Jet zong nih a fuh lio hna tiah kan theih i, kan ralkap hna caah thlacam rak bawm cio hna ulaw.May 16. Crd : Salai Willam Hlawnceu >>>>>>>
Chinland Defense Force-Matupi Brigade 2 nih Chinland Council an dirpi kong nizan May 14 ah cathanh an chuah.
2024 Febuary 23-25 tiang rak tuah mi CDF-Matupi a voithumnak meeting biachahnak bantuk in Vakok Battalion, Kaisi Battalion, Lisan Battalion le Ai-daak Battalion hna cu CDF-Matupi Brigade 2 in rak dirh a si.
2024 April 10-11 ah CDF-Matupi Brigade 2 riantuantu hna le upa hna tonpumhnak kan ngeih mi ah Brigade 2 phunghram kan ṭial khawh pinah CDF-Matupi Brigade 2 nih Chinram ramkhel dirhmun ah Matupi mizapi tamdeuh nih duh mi Chinland Council cu lungtling tein kan dirpi, tiah CDF-Matupi Brigade 2 nih cathanh ah an langhter.
CDF-Matupi cu ramchung ramleng mizapi bawmhnak thawng in uknak ṭhalo hrawh ding ah le miphun tlukruannak le mahte khuakhan lairelnak, a dikmi Federal ramkomh a chuah khawh nak ding caah dirh a si ni in nihin tiang ral a tu peng mi phu a si, tiah an cathanh ahcun an langhter chih.
Leave a Reply