Tharyarkone Khua SAC Nih An Khangh Nolh.Kalaymyo in nitlak chaklei um Chin mi tampi khuasaknak Tharyarkone khua cu nihin May 17 ah SAC nih mei an khangh nolh tiah theih a si.Nihin May 17,chun slm 12 tluk in SAC ralhraang hna nih Tharyarkone khua cu mei an khangh than i hriampi zong an kah len tiah theih a si.
“Zinglei slm 10 tluk ah Kalay sakhaanpi in Latpanchaung khua ah hriampi lung 3 an kah i slm 12 tluk ah Tharyarkone khua cu mei in an khangh” tiah khuami pakhat nih Zalen ah a chim.SAC ralhraang hna nih hin Tharyarkone khua um mizapi inn hna cu nizan May 16 zaan khan mei khangh hram an thok i drone in bomb an thlak caah Tharyarkone khua Zion Baptist Church biakinn zeimaw a rawk tiah theih a si.
Thawngpang Dang Rak Rel Chih :Thantlang Peng Hmawngtlang Ah Inn Kanghnak A Chuak I Inn 4 A Ciam.Chin ramkulh,Thantlang peng,Zophei ram Hmawngtlang khua ah nihin May 17 chun slm 11 tluk ah innkanghnak nak a chuak i inn 4 a ciam tiah thawng kan theih.
“Hmawngtlang khua lamtonnak zawn a um mi Pu Lian Hlun inn, Pu Bawi Kung inn, Sayamah Ar Te inn le ohsuh cazi zung inn an kaang hna.mei hi khuazei in ai thok hi fiang in kan thei kho lo” tiah CBN Daily News ah a chim.Hmawngtlang khua cu Thantlang in Hnaring-Matupi lei kalnak lampi ah a um mi a si i Thantlang in meng 25 tluk aa hlat nak ah a um mi khua a si.
Rak Rel Chih :Karen Ram I April Thla Chung Kahdohnak Ah SAC Ralhraang 430 An Thi I Dothlennak Ralkap Lei 30 Leng Nunnak Liam Ve.Karen ramkulh,Hpapun,Myawaddy le Tinkan-Ngyinaung sakhaan kahdohnak hna telhin April thla chung kahdohnak ah SAC ralhraang minung 430 an thi i dothlennak ralkap lei in minung 32 nih ram le miphun caah nunnak an pek ve.
Karen ramkulh,KNU brigade 5,Hpapun district chung,Brigade 6, Dupalaya district chung a um mi SAC sakhaan hna cu Karen National Liberation Army – KNLA,Force For Federal Democracy (FFD), BPLA le ttangti phu hna nih an tuk hna hi a si.
April thla chung khuapi laak kahdohnak ah Hpapun khuapi an laak i Tingan-Nyinaung um SAC LIB 355,LIB 357,LIB 356 sakhaan hna le byuha sakhaan hna zong an tuk i an laak khawh.sakhaan laak kahdohnak voi 5 tuah a si i April thla chung ah SAC he kahdohnak voi 71 tiang a chuak tiah theih a si.Credit: CBN Daily News
Leave a Reply