Australia Chin Idol – Season III Tuah Timh.Melbourne Nichuahlei hrambunh Australia Chin Community nih Australia Chin Idol – Season III tuah timh. 1 June 2024 ah zuamnak tel ding thimnak (audition) ngeih a si lai. Idol zuamnak taktak ah a tel kho ding mi vialte hna cu, tlangtlatu (Judges) le ringawn tumtu țhithruainak in awzai le ringawn lei ah tampi an țhancho khawh naknga, cawnpiak le bawmhchanh an si lai.
Tutan Australia Chin Idol – Season III ah US lei in chanthar mino hlasak thiam minthang mi hna zong sawm an si. 4 July 2024 ah hlunghlai le nuam taktak in Grand Finale pin ah Live Concert zong tuahchih a si lai.
Hi Australia Chin Idol – Season III ah zuam a duh mi paoh nih 1 June 2024 hlan ah min pek khawh a si. Min pek a duh mi paoh nih link hin pek khawh a si lai. – https://form.jotform.com/231043566347051.
1 June 2024, Melbourne chung um hna ca ah hmaitonh in thimnak (audition) ngeih a si lai nain, Australia ramchungum pengkulh dang le ramdang ummi cu online in pek khawh a si lai.Tu bantukin pehzulh in a voi thumnak tiang Australia Chin Community nih tuah a timh hi, Chin mino hna tampi bia le hla in kan ṭhancho khawh nakhnga ruahchannak tampi he aa hmaithlak mi pakhat a si.
Hi zuamnak ah Chin miphun a si paoh nih zalong te’n tel khawh a si. Australia ramchung le ramleng in zuam a duh mi paoh nih hi Australia Chin Idol – Season III ah rak i zuam cio ding in kan in sawm hna tiah, ACC chungṭuan Khamh Cung Lian nih chim. Cun hi kong he pehtlai in fiangfai deuh theih duh mi nih Australia Chim Community (ACC) President le Secretary sin ah hlat khawh a si i, hi Email: info@accem.org.au hal khawh a si.
Up Date! Thawngpang: Tonzang Khua SAC Ralkap Sakhan Cu Chin Ralkap Nih Kah Hram An Thawk.Nihin May 16 zinglei ah Chinram, Tonzang khua SAC sakhan Khah-Lah-Yah 269 cu Chinland cozah Defense Ministry tang um Chin ralkap nih an kah, tiah CNA chimnak nawlngei Salai Htet Ni nih a chim.
“Nihin zing in Tonzang SAC sakhan cu kan kah i SAC lei nih vanlawng in voithum bomb an thlak, ZRA he kan cun kan i kap lo,” tiah Salai Htet Ni nih cun a chim. SAC lei nih vanlawng in voithum bomb an thlak nain Chin ralkap lei hliamtuar an um lo, tiah theih a si.”CNA le Chinland ralkap hna nih a kalpi mi Operation a si i mizapi zong nih rak kan telpi cio uh,” tiah Salai Htet Ni nih sawmnak a tuah.
A luancia May 11 ni ah Tonzang peng, Lungtak khua cu SAC nih vanlawng in voihnih a kah i biakinn pahnih le tualchung mi umnak inn 5 a rawk. Cu pinah kahdohnak ruang ah Lungtak khua le a pawngkam khuate panga in minung 1,000 leng cu khua chuahtak in an zaam hna, tiah theih a si.
May thla thawk hrawng khan Tonzang khua palik sakhan pawngkam um tualchung mi hna cu kahdohnak thawngpang ruang ah an rak i ṭhial dih cang. Tonzang peng ah kahdohnak tuah lo in ding ah May 3 ah khan Tonzang khua Biaknak lei hruaitu hna le khua upa hna nih nawlnak an rak tuah.
Tonzang peng ah hin SAC ralkap telh in ZRA (EC), PDF-ZOLAND, CDF-Tonzang le PDF tiah auh mi Thahdo Defense Force hriamtlai phu cu hrambunh in an um hna, tiah theih a si.Credit : The Chin Post
Leave a Reply