Breaking News : Iran President le Foreign Minister Cit Mi Helicopter A Tla I A Chung Cuang Mi An Thi Dih>>>>>>>>

20 May 2024

Iran President Ebrahim Raisi le Foreign Minister Hossein Amir Abdollahian tel in cozah officials pakua nih an i cit mi helicopter cu nizan May 19, chunhnu ah khan Iran le Azerbaijan ramri, tlangram ah a tla i helicopter aa cit mi vialte an thi dih, tiah media nih an langhter.

Iran president le cozah lutlai hna cu tidil(dam) honnak an ngeih hnu ah Iran le Azerbaijan ramri in an chuak i, nizan zarhpini chunhnu suimilam 1:00 hrawng ah an i cit mi helicopter cu a tla, tiah Iran cozah media nih a thanh.

President Ebrahim Raisi le Foreign Minister Hossein Amir Abdollahian tel in cozah lutlai vialte cu an thi dih, tiah Iran media nih an fehter. Helicopter a tlak lio ah hin nikhua a chia ngai, tiah theih a si.

Iran cozah phunghrampi Article 131 nih a langhter ning ah president a thih ahcun first vice president cu president rian khinh a si lai ti a si i, atulio first vice predident a ṭuanlio mi cu Mohamad Mokhber a si.Iran president le cozah lutlai dangdang hna thihnak kong ah vawleicung ramhruaitu lu bik hna nih ngaihchiatnak bia an chim cio.>>>>>>>

Chinram, Tonzaang peng, Cikha khuapi cu Chin ralkap ṭangṭi phu nih a ningpi in an laak khawh cang, tiah theih a si.

CNA le CDF ṭangṭi phu nih Cikha khuapi um SAC sakhan hi nihin May 19, zinglei ah an laak. Chin ralkap ṭangṭi nih sakhan hi an kah hnu ah SAC ralkap pawl cu sakhan chuahtak in an zaam i ṭangṭi phu nih hriamnam tam ngai zong an laak, Cikha khuapi cu Chin ralkap nih a ningpi in an uk cang, tiah theih a si.

Cu bantuk ṭhiamṭhiam in Tonzaang khuapi zong Chin ralkap ṭangṭi phu nih a luancia May 15 ni in kah hram an rak thawk i May 17 ni tiang i kahdohnak ah SAC ralkap 10 an thi, hliam a pu mi zong an tam ngai, cu kahdohnak ah cun SAC palik sakhan zong an laak khawh. SAC ralkap sakhan zong pehzulh in an kah i an laak khawh deng cang, ṭangṭi phu nih Tonzang khuapi cu zatuak 90 an laak cang, tiah theih a si.

Tonzaang khuapi le a peng chung Cikha khuapi kahdohnak ah hin CNA, Mizo Chin Rifile(MCR), CDF-KKG , CDF-Tonzang, CDF-Thantlang, PDA (Tedim), CDF CDM-Siyin, CDF-Hualngoram, YDF (Yaw), CDF-Asho Chin, CDF-Hakha, CDF-Zanniatram le CDF-Matupi an ṭangṭi, tiah theih a si.

Hi kong he pehtlai in CNF/CNA chimnak nawlngei Salai Htet Ni cu phone in pehtlaihnak tuah kan timh nain phone call a luh khawh lo caah thawng fiang deuh le tling deuh kan hal kho