Tonzang Ralhrang A Thawl Dihtu Chinland Ralkap CNA/F Le CDF Pasal Tha An Si>>>>>>

Tonzang Ralhrang A Thawl Dihtu Chinland Ralkap CNA/F Le CDF Pasal Tha An Si>>>>>>
Kan chin pasal hna hi Bawipa nih himnak le damnak pe chin ko hna seh. Hi pasal rual hna nih hin Tonzang khia ralhrang vialte a thawl dih hna. Bawipa thawngin teinak zong an hmu.

Chin ramkulh, Tedim khuapi laak kahdohnak ah PDF-Zoland le ṭangṭi phu hna nih Nah-Ṭah-Lah zung le palik sakhan cu an laak khawh cang i SAC ralhrang kuttang palik 7 an thih pin ah an tlaih mi hna zong an um, tiah tualchung thawng laaknak cheukhat nih an langhter.
2024, May 26, zan suimilam 11:00 hrawng in Tedim khuapi cu PDF-Zoland le ṭangṭi phu hna nih kahdoh hram an thawk i nihin May 27 zing tiang kahdohnak a faak, tiah theih a si.

“Nah-Ṭah-Lah zung le palik sakhan cu SAC ralhrang pawl nih an chuahtak cang i khuapi chung ah um mi Khah-Lah-Yiah 269 SAC ralhrang sakhanpi ah an i fonh, atu tiang ahcun SAC ralhrang kuttang palik 7 an thi i an tlaih mi hna zong an um tiin kan theih, SAC ralhrang nih cunglei kahdohnak zong a tuah” tiah kahdohnak thawng laak hrampi pakhat nih a chim.
Sakhan laak kahdohnak ah PDF-Zoland ṭangṭi phu in Tv. Suut Mung nih ram le miphun caah a nunnak a pek, tiah a chim chap.
Atu bantuk in kahdohnak a fah ruang ah Tedim khuapi in tualchung mi 3,000 tluk hrawng nih a himnak hmun kawl in ral an hrial hna, tiah theih a si.>>>>>

Chin ramkulh, Mindat peng tualchung mi 5 hna cu SAC ralhrang nih atu 2024, May thla chung ah an tlaih hna, tiah HKL-Mindat nih nizan May 28 ah a Social Network ah a tarlangh.
SAC ralhrang nih an tlaih mi hna cu nu 3 le pa 2 hna an si.
“2024, May 13 ah Mindat khuapi hrambunh SAC ralhrang 274 battalion pawng ah kum 26 nu 1, May 22 ah Kyaukhtu peng, Minkyi khua pawng ah Mindat peng, Khinphawng khua mi 2 hna cu an cycle he an tlaih hna i May 27 zong ah Mindat khuapi nichuahlei sang ah kum upa nu 2 hna cu SAC ralhrang nih an tlaih hna” tiah HKL-Mindat nihcun a tarlangh.

SAC ralhrang nih sualnak ngei lo Mindat peng tualchung mi 5 hna cu dohthlennak hriamtlai phu hna he pehtlaihnak nan ngei ti in an tlaih hna i atu tiang an thlah rih hna lo, tiah theih a si.
Atu bantuk in SAC ralhrang nih an tlaih mi hna lak ah Khinphawng khua mi 2 hna cu an nunnak a liam ti in thawng dik lo kan theih, tiah HKL-Mindat nihcun a langhter chih.>>>>>>>>

Kachin ramkulh, Waingmaw peng, Nawngsipaw khua SAC ralhrang sakhan cu KIA nih an kah i an laak hnu ah Waingmaw Khuapi Khah-Lah-Yah 58 battalion zong pehzulh in an kah, tiah KIA thawng laaknak hrampi nih a chim.
2024, May 28 zingka ah Waingmaw peng, Nawngsipaw khua um SAC ralhrang sakhan cu KIA hruai mi dohthlennak hriamtlai phu hna nih luhhnawh in an kah i caan raulo ah an laak, tiah theih a si.

“Nawngsipaw khua um SAC ralhrang sakhan cu zing suimilam 8:30 tluk ah luhhnawh in an kah i suimilam 10:00 tluk ah tlamtling tein an laak khawh” tiah KIA thawng laaknak hrampi nih a langhter.
Cu bantuk ṭhiam in zaan suimilam 9:00 tluk ah Waingmaw khuapi SAC ralhrang Khah-Lah-Yah 58 battalion zong KIA hruai mi dohthlennak hriamtlai phu nih luhhnawh in an kah hna caah kaphnih karlak kahdohnak a fak, tiah theih chih a si.