Chinland ralkap nih Tonzang um ralhrang camp laak tim in an kal pah ah ZRA nih heh an ambush le kah hna caah Chin ralkap nih an hei leh pah ve hna.
Mahti kut thlak hmasa tu ZRA an hei phenhai pah hna ruangah a bikin Falam lei online au nih ZRA thihngam phun in nan tanh le dirpi nak relcawk loin nan post le comments hmuh a si ko.
A tu ah PDF zoland le CNO/CNDF i komh in Tedim ah kahdohnak an tuah i, PDF zoland ralkap bawi pakhat a thi.
Mah a thimi PDF zoland ralkap cu a chuahnak khua ah ZRA nih a ruakvui le luhpi an duh lo.A chuahnak khua hi ZRA hmunram si.
Tol pawt dengin ZRA nan rak tanhmi kha tu hi ta, nan i ngai chih pah maw? maw ngaihchih awk zong nan thei lo dah.
Kaladan Tivapi A Lianh Ruang Ah Chin Ralzaam Umnak Inn 10 Hrawng A Rawk>>>>>
India ram, Mizoram ramkulh, Lawngtlai pengkomh, Kaki khua ah May 28 ni ah Cyclone Remal thlichia hrang in ruah faak ngai a sur i Kaladan tivapi a lianh ruang ah tivapi kam ah ralzaam in aa dor mi Chin ralzaam umnak inn 10 hrawng a rawk. Ralzaam pawl cu a himnak hmun ah an ṭhialter hna, tiah theih a si.
“May 28 chun ah ralzaam pawl cu ṭhialter an si i minung aa hliam mi an um lo, atu i aa ṭhialkam mi hi ṭuan chom ei chom in a nung mi an si hna i zualral in bawmhnak an herh ngai, cun an i dornak ding ca ah Tarpaulin tibantuk zong an herh hna,” tiah Paletwa peng IDPs camp ṭuanvo ngei U Soe Than nih a chim.
Kaki khua ralzaam Camp ah cun chungkhar 105 in minung 400 leng an um i ni khat hnu ni khat in ralzaam an karh, cu pin ah a luancia ni tlawmpal chung ah chungtlik zawtnak in minung 20 hrawng a zaw i zualral in sii-ai bawmhchanh an herh kong U Soe Than nih cun a chim.
SAC ralkap nih hramhram in nawlngeihnak an laak hnu in, Chinram in Mizoram ramkulh chung ah a zaam mi 34,000 leng an um i, cu chung ah Chin ralzaam 3,500 leng cu Lawngtlai pengkomh ah an i dor hna, tiah theih a si.
Thlichia Nih Bungkhua Inn 8 le IDPs Camp Inn 14 A Hrawh>>>>>>
Nizan May 28 ah a hrang mi thli le ruah nih Bungkhua IDPs camp inn 14 le Bungkhua khuachung inn 8 a hrawh, tiah Bungkhua IDPs secretary nih The Chin Post ah a chim.
Thlichia le ruah hi May 28, zinglei suimilam 5 hrawng ah faak ngai in a hrang i Bungkhua IDPs camp inn 14 le khuachung inn 8 hna cu a cungcih le a vaam a hawh hna. Hi pinah Bungkhua hall zong a rawk, tiah thawng an kan thanh.
Bungkhua hi Thantlang peng ah ralzam(IDPs) an tam biknak hmun pakhat a si i Bungkhua IDPs camp ah hin ralzam inn 138 a um. May ni 2 lio a hrang mi thlichia le rial nih IDPs camp hi a dihlak ti awk in a rak hrawh cang.
Leave a Reply