Tedim peng chung hriamtlai bu pakhat a si mi People Defence Army (PDA-Tedim) nih Chinland Council he raldohnak lei lawng si lo in ramkhel rian zong ah rian kan ṭuan ṭi lai, tiah mizapi sin ah theihternak a tuah.
Chin ramkulh chung i tlangcungmi hriamtlai bu (EAO) pakhat a si mi CNF/CNA le PDA-Tedim cu raldohnak lei ah ṭang ṭi ding in minthutnak an rak ngei i nihin ni tiang zong ah hmun khat ah ral an do ṭi.
PDA-Tedim hi ahlan ah khan cun Chinland Council ah ngiathlaitu dirhmun lawng in a rak um rih nain atu ah cun Chinland Council he raldohnak lei le ramkhel rian lei zong ah ṭuan ṭi ding in biachahnak an ngei cang.
PDA Tedim cu Rihkhawdawr khua laak kahdohnak, Taingen SAC ralkap sakhaan laak kahdohnak, Cikha le Tonzaang khua laak kahdohnak le a dangdang Chinram chung kahdohnak zong ah CNA he ral a do zungzal mi hriamtlai bu a si, tiah kan theih.
Thantlang Peng, Thau Khua Ah Ralzaam In Aa Dor Mi Tlangval Pakhat Ti Ah A Paam>>>>>>>
Chinram, Thantlang peng, Thau khua ah ralzaam in aa dor mi tlangval pakhat cu tiva a kalnak ah ti ah a paam, tiah theih a si.
Thantlang khuapi, TABC sang ah a rak um mi Pu Ceu Tling le Pi Sui Li Par hna i an fapa Vl. Isak cu sur vorh ding in Hri-awh tiva an kalnak ah ti ah i chuahsual in nihin June 1 ah a nunnak a liam, tiah theih a si.Hri-awh tiva ah a paam mi Vl. Isak cu ram a buai hlan ah Thantlang khuapi, TABC sang ah khuasa in Thantlang Baptist Church(TBC) chungtel mino pakhat a si i, ram a buai hnu ah Thantlang peng, Thau khua ah a chungle he an i dor, tiah theih a si.
A luancia May 16 ni ah Thantlang peng, Hriangkhan khua ah ralzaam in aa dor mi TBC chungtel ṭhiamṭhiam Pu Nam Hmung fapa Pu Hlawn Ceu Bik(kum 27) zong Lungmili ah sur a vorhnak ah i chuahsual in a nunnak a rak liam ve.
Leave a Reply