Thantlang peng, Bungkhua IDPs camp ah aa dor lio mi Pu Ceu Thang (kum 26) cu nizan June 8, chun suimilam 11 hrawng ah khan Ṭio ah a paam i a ruak hi tuzing tiang an hmu kho rih lo, tiah Bungkhua lei in thawng kan theih.
Pu Ceu Thang hi a nupi le a naupa he Ṭio ah nga tlai ding in an kal i, lungnaal aa lamh sual caah tisuar ah a tla, tiah thawng a kan thanhtu nih a chim. Pu Ceu Thang ruak hi nizan khan khuami nih an kawl len nain ti hi a nawi tuk caah atutiang an hmu kho rih lo.
Pu Ceu Thang te chung hi Hakha khuapi, Keisih sang in Bungkhua IDPs camp ah aa dor mi an si i, ti ah a paam mi Pu Ceu Thang nih hin a nupi le a fale pahnih a kaltaak hna.
Serchhip Khua Ah Mizoram Palik Nih Myanmar Lei Mi 2 Sin In Meithal Kuan Tam Ngai An Tlaih>>>>>>>>
Mizoram, Serchhip khuapi ah June 7, 2024 ah khan AK-47 meithal kuan 1980 le Myanmar motorcycle cu a ngeitu ah puh mi Thantlang khua veve Lalnunnema(kum 31) le Lalchhanhima(kum 44) cu Mizoram palik nih an tlaih hna, tiah Mizo lei media nih an langhter.
Meithal kuan an tlaih mi hi pakhat Rs 550 in tuak ah a dihlak Rs 1,089,000 man a si. Tlaih a tong mi pahnih hi Arms Act, Motor Vehicles Act le Foreigners Act in sual kawlpiak an si.
Leave a Reply