CYLA nih Lawngtlai in Rakhine lei Eidin Tirawl Phorh a Phih>>>>>>>>>>>>>>

Thechinstar //June 24 ll

Central Young Lai Association (CYLA) nih nihin June 24 thawk in Lawngtlai District chung in Rakhine lei ah eidin tirawl phorh a phih, tiah thawng kan theih.

CYLA nih, “Mizoram in Myanmar lei ah thilri luhpi a si tawn mi kong he pehtlai in tha te in a kherhhlainak kan tuah cikcek hnu ah Lawngtlai in Rakhine lei ah thilri an luhpi eidin tirawl nih mizapi ca ah thathnemnak a chuahpi tiah kan ruah lio ah khuachak lei kan Chin unau hna he an i kap. Hi eidin an laak mi zong hi Arakan Army an thazaang thawnnak ca ah an hman ti kan theih. Hi bantuk hi cu a tha lo ngai tiah kan ruah,” tiah a langhter.

“Arakan Army pawl hi Chinmi he i kahnak ngol ding in voi tampi nawl an si nain CYLA sin ah zeihmanh bialehnak an kan tuah lo caah le kan ramchung ah hriamnam i put in an lut theo ti kan theih. Hihi a tha lo ngaingai,” tiah CYLA nih a langhter chap.

“Cucaah June 24 thawk in nawl chuah than mi a um hlan chung poh cu Myanmar ram (Rakhine ah) thilri luhpi kan khap. Hi chawlehnak lam a zul mi Mizoram mizapi kan hmalaknak hi ram le miphun caah a si ti kan hngalhpiak u” tiah an panghter chap.

Ramri ah a um mi Lawngtlai le Siaha District mizapi zong nih hi nawlpek hi zul in hma rak la cio u, tiah CYLA nih forhfialnak a tuah.