A Poi Ko Cang Chin Brother-hood Le AA Nih Matupi Khua Vok Le Ar, Tangka Fiir In An Ei Dih Cang E
Thachinstar //27,6,2024 Chin Ramkulh Matupi khuachung ah a um mi AA le CNO hruihnak tangah a um mi Chin Brother-hood hna le AA hna nih Matupi Peng khuate deuh ah Mipi Vok le Ar hramhram in tleih le thahin an ei hna tiin thawng kan theih.
Matupi khuachung um mi AA le Chin Brother-hood hna nih an unau thisen lawng luanter loin an vok le an Ar tiang hramhram in an thleih hnuah thisen luanter in an thah i an ei hna.
Mah lawng silo in Mipi tangka zong dawr le inn bau in an fiir i an lak hna caah Matupi Mipi lungreithei le ngeihchia in an um ko hna.
Kum 1 chung One Championship ah a lang lo hnuah Aung La Nsang cu One Champion ah i thong tthan dingin September 6 ah Shamir Erdogan he an i tthutding kong cu mipi theih in Aung La Nsang nih a phuan.
Chinram, Tedim khuapi ah a um mi tualchung mi cu kahdohnak ruang ah khuapi chuahtak in a himnak hmun ah an rak zaam hna i a cheu cu an kir pah cang hna, tiah theih a si.
Tedim khuapi chung ah SAC ralkap le Chin Brotherhood ralkap kar kahdohnak a fah ruang ah Tedim khuapi um tualchung mi cu a himnak hmun kawl in an rak zaam hna i atu ah cun khuapi chung ah an lut pah cang hna, tiah tualchung mi nih an chim.
“Sakaw lam sang hna ah cun ni dang bantuk in an lutchuak cang hna i chawdawr tete zong an hon ṭhan cang hna. Zinglei zong ah lam a leng mi hmuh ding an um cang,” tiah Tedim khuapi um mi pakhat nih a chim.
SAC ralkap nih inn an khanghnak hmun Myoma sang telh in hriamngan ruang ah inn a rawhnak sang cheukhat i a rak um mi cheukhat belte cu umnak an ngei ti lo i, sang chung ah a rawk mi ti laaknak Pipe zong an remh cuahmah kong tualchung mi pakhat nih cun a chim.
A luancia May 27 ni ah Tedim khuapi ah SAC ralkap le Chin Brotherhood ralkap kar kahdohnak a chuak i SAC ralkap nih khuapi chung ah inn 60 hrawng an khangh, Chin Brotherhood ralkap nih SAC ralkap sakhan pahnih an rak laak ve, tiah theih a si.
Leave a Reply