Puitea Matupi Khua Um AA Le A Unau Pawl Kan Dawi Dih Hna Lai
Thechinstar 27 //6// 2024
Chin Brotherhood nih june 24 ah CNA hnu an kiir dih ah cun Matupi Ralhrang sakhan le camp kan lak dih lai tiin an rak phuan. Asinain, CNA le a ttuantii nih Matupi Ralhrang le AA, Chin Brother-hood cu kan dawi dih hna lai tiin Puitea nih tuzing June 27 ah a chim ve.
Puitea nih cun kan umnak hmunhma a remh cang rilo caah le kan i ready lotuk lo lioah AA, CB nih a kan kah caah kan pasaltha hna nunnak liam kha si tiin a phuan.
A rau hlanah Matupi khuachung um AA,SAC Ralhrang le an unau pawl cu kan dawi dih hrimhrim hna lai tiin Puitea nih mipi sinah a phuan ve.
Chinram, Tonzaang peng chung kahdohnak ruang ah innlo chuahtak a zaam mi hna cu zualral in bawmhchan an herh kong, Tonzaang Township Administration Board(TTAB) nih nizan June 26 ah an thanh.
A luancia May 15 ni thawk in a cang mi Tonzaang peng kahdohnak ruang ah Tonzaang peng tualchung mi 10,000 leng cu innlo chuahtak in a himnak hmun kawl in an rak zaam hna i a cheu cu an umnak hmun ah an kir cang nain tam deuh cu an kir khawh ve rih lo caah zualral in eidin tirawl le sii-ai bawmhchanh an herh ngai kong, Tonzaang Township Administration Board(TTAB) nih an thanh.
“Ralzaam mi hna le Tonzaang peng chung i zohkhenh hau tarnu tarpa le caan saupi a zaw cang mi hna cu Tonzaang Township Administration Board(TTAB) nih kan si khawh chung in kan bawmh ko hna nain atu cu eidin tirawl le sii-ai kong ah lungrethei ngaiin an um lio a si hna caah mizapi nih kutsamh in zualral in bawmhnak rak pe cio u,” tiah TTAB nih bawmhhalnak an tuah.
CDM a tuah mi ralzaam hna le tualchung mi chung in hartong, bawmhchanh hau taktak dirhmun a phan mi nih cun Tonzaang peng CDM Committee sin le Tonzaang Township Administration Board(TTAB) sin ah bawmh hal in theihternak kan tuah u, tiah TTAB nih an thanh mi ah an langhter.
Leave a Reply