Good News AA le CC Ralkap Kahdohnak Ah AA Ralkap 7 An Thi>>>>>

Arakan Army (AA) ralkap le Chinland Council ralkap hna cu Matupi peng ah an i kah caah AA ralkap minung 7 an nunnak a liam tiah tualchung mi pakhat sin theih a si.

July 5 Matupi peng Valangte le Leisin khua kar ah kaphnih kahdohnak a chuah hi a si.

Tutan AA le CC ralkap an i kahnak hi Matupi peng Valangte le Leisin khuate karlak ah a si. Hi kahdohnak a chuahnak hi ” AA nih Matupi le Paletwa lampi hi humhak an duh caah Valangte khua ah AA ralkap hi minung 60 hrawng hmun an khuar.

Nizan July 5,2024 ahkhan Suimilam cheu tluk hrawng kaphnih kar kahnak a chuak. Hi ikahnak AA ralkap minung 7 an nunnak a liam. Cu lio ah Chinland Council ralkap cu nunnak a liammi le hliamtuar an um lo tiah tualchung um khuami pakhat min langhter duh lomi pakhat nih a chim.

AA nih hi kahdohnak ruangah a zaammi khuami cheukhat cu zamnak nawl an pe duh hna lo. Hi kahdohnak a daih khawhnak dingah cun AA nih Matupi peng ah hmun an khuarmi an chuahtak a hau.

Zeiruang ah dah Chin ramkulh Matupi, Kanpalet, Paletwa, Mindat hna ah AA hi raltthatuk in hmun an khuar ngam ti ahcun Chin Brotherhood nih CC kah dingin an i ruaih hna pin ah hi peng chung hi kum zeimawzat chung anmah AA uk dingin min an rak thut caah a si. A poi ti ahcun chim ding um ti lo. Mah pumpak hlawh duh le mah bu hlawk duh ah kan rak an zuar i kan mipi lungrethei le Awlokchong vansang au in an chiah hna.