NaungCho Sakhan Ah Ralthuam 600 Renglo An Lak: TNLA
==========================================
Shanram chaklei Naungcho khuapi cu 1027 operation phu a simi (TNLA, MDY PDF le DPLA) hna a voi 2 nak operation ah an lak hmasabik mi khuapi a si.
June 25,2024 in khan kah hram an thok i July 10,2024 ahkhan Naungcho khuapi le a pawngkam vialte an lak khawh dih.
Hi ikahnak ahhin SAC ralhrang hriam ngan bomb tampi le Vanlong in kahmi bomb 2, Radar seh 2, meithal phunphun 139, 60MM 15,80MM 2, Salet 17, kutcheh bomb thingkuang 10, bomb hmenhmi thilri 600 reng lo kan lak tiah an thanh.
NaungCho khua ah SAC ralhrang camp LIB 114,115, Done Tah Yah 606 telh in camp 11 reng lo le police out post pin ah cozah zung ngan pawl kan lak viar.
July ni 11 khan 1027 operation a voi 2nak TNLA le tangrual pawl nih an thok tthan tiah theih a si.
Matupi peng khuate ah CNA ralkap nih an tlaih mi Yaw Defense Force (YDF) ralkap pahnih thlahpiak ding in YDF nih July 9 ah halnak ca a chuah.
Magwe ramṭhen, Gangaw peng ah hram a bunh i, AA le Chin Brotherhood he ral a do mi YDF ralkap pahnih cu July 7 ah khan Matupi peng, Zawngnak khua ah CNA nih an tlaih hna.>>>>>>>>>>>>>>>
Tlaih a tong mi YDF ralkap pahnih cu Ko Ok Thein le Ko Aung Thet Khine an si, tiah YDF nih a langhter.
CNA nih YDF ralkap pahnih an tlaih mi kong he pehtlai in YDF nih, “CNA nih aruang um lo in kan ralkap pahnih an tlaih mi hna hi a rianrannak in an thlah hna a herh,” tiah ca an chuah mi ah an langhter.
Hi kong he pehtlai hin CNF/CNA chimnak nawlngei Salai Htet Ni nih, “Bia hal awk kan ngeih hna caah kan kalpi chungmi hna a si. An hruaitu hna he biaruahnak kan ngei ta lai. Thlah an si lai le si lai lo cu ṭuanvo ngeitu nih an theih ko lai,” tiah a chim.
Magwe ramṭhen ah hram a bunh mi YDF cu Cindwe khua laak kahdohnak le Matupi khua laak kahdohnak ah AA le Chin Brotherhood he ral an do ve, tiah theih a si.
Leave a Reply