Ralhrang Hna Cawlcangh Ning A Chiakha Chin Lengmang
Chindwin Tiva Kam Khuate Vialte Hriam Ngan In SAC Ralhrang Nih An Lah Thluahmah Hna. SAC Ralhrang sualning cu a mak kho tuk cang! Ram mipi nih a celh in celh awk an ttha ti lo.
Chindwin tiva zawh in hriamnam khat tthup in a van i phurhmi SAC Ralhrang Tilawng 3 cu Mungzua Khuapi a phan cang.
An rak kainak lampi ah tiva kam a ummi khuate vialte ( ral an umlonak) cu hriam ngan in a kah thluahmah hna i khuate tampi an kang. A poi kho taktak si.
CB+AA Nih Matupi Kahdohnak In A Zam Mi Ralhrang 200 Tluk An Tlaih Timi Hi Nazum Kho Ve Maw?
Matupi In A Zaam Mi SAC Minung 200 Tluk An Tlaih Hna. Chin Brotherhood,Arakan Army le Phu dang ttangti hna nih Matupi khuapi an laak lio ah a rak zaam mi SAC minung 200 tluk cu thla khat tluk a rauh hnu ah CB le AA nih an tlaih than hna kong CB nih nihin ah an thanh.
Matupi khua in a zaam mi SAC ralkap hna,Zung riantuan hna,SAC chungkhar hna tiin minung 120 tluk cu July 17 ah khan a voikhat nak an rak tlaih hna.July 25 zong ah khan a dang an tlaih than hna tiah theih a si.
Hi kong he pehtlai in “A nungin kan tlaih mi hna hi minung 200 leng an si,kahdohnak ah a thi mi hi 100 leng an si ve fawn.an zaam chung vialte ramtang ah eiawk ngeih lo ruang i a thi mi hi bawhte telhin minung 50 leng an si ve thiam thiam.
Kan tlaih mi hna chung ah Byuhahmu zong aa telh.hriam kan laak mi hi 130 leng a si.a tu ah a luat rih mi an um zong ah ei awk ngei lo in an thi ko lai.” tiah CDF-Matupi brigade (1) nawlngeitu pakhat nih Zalen ah a chim.
A tu bantuk SAC a zaam mi hna hi Matupi in meng 30 tluk aa hlat nak Matupi-Mindat ramri ah an tlaih hna hi a si. CBN Daily News
Leave a Reply