Breaking News: NUG Nih Salai Isaac Khen Cu Nu Tlaihhrem Ruang Ah A Rian In An Phuah
NUG nih India palai caah an hmanmi Salai Isaac Khen cu a rianttuantti hawinu a duh na loin a tlaihhrem ruangah tuchun August 3,2024 ah na rian in kan in phuah tiah thawngthanhnak an tuah.
Salai Isaac Khen nih a rianttuan hawi nu a tlaihhrem mi kongah NUG Cozah Cental Committee nih a dotdot in an zohfel hnu ah cazin, tehte, mit in a hmutu le an chimning an zohfel dih hnu ah hihi a dikmi a si tiin a rian an phuahnak hi a si.
Salai Isaac Khen nih a rianttuan hawinu cungah hurduhcuainak (tlaihhremnam) a tuah taktak ko timi an fian hnu ah atu bantuk in rianphuahnak ca an peknak a si. Hi kong hi zapi theih in thawngthanh nak zong NUG nih an tuah.
Salai Isaac Khen hi NLD chan lio zong ah Hakha Market saknak kong ah phaisa tamtuk a ei tiin a min a rak chia cang. Ram buaika zongah Chinram caah NUG nih bawmhnak an pekmi vialte zong amah nih a rak ei dih tiah a min a rak chia hoi cang. A tuanbia zoh tikah mi sual hrimhrim a si ti a fiang ngaingai.
Chinram, Falam khuapi ah a um mi tualchung mi pawl cu atu lio online i a dik lo mi thawngpang ruang ah khuapi chuahtak in le innlo zaamtak lo ding in CNO/CNDF nih nihin August 3 ah mipi sin ah theihternak an tuah.
CNO/CNDF chimnak nawlngei Salai Timmy Htut nih cun, “Falam khuapi kong he pehtlai in Online ah thawngpang dik lo a tam ngai i, CNO/CNDF ralzaam ding in thawng fiang kan thanh lo bu ah thawngpang dik lo a lengvak mi i zumh in hmun kip ah ral a zaam mi an um tik ah kan ngaih a chia tuk hringhran. CNO/CNDF nih thawng kan in thanh hna hlan chung cu kan mipi hna lungrethei tuk in rak um hlah u. A caan a phanh tik ah thawng fiang kan in thanh ko hna lai. Kan innlo kan chuahtak i inn ngeitu kan um lo ah cun misingpi nih luhhnawh in an kan hrawhpiak sual lai. Cucaah cun mahle inn cio ah lungdai hnangam tein um i zuam cio u,” tiah a chim.
Falam khuapi cu AA le Chin Brotherhood nih kah an timh tiin online ah thawngpang a len hnu in Falam khuapi um tualchung mi zatuak 60 cu khuapi chuahtak in hmun kip ah ral an zaam hna i a cheu cu zaam i tim lem lo in khuachung ah rian a ṭuan cuahmah mi le thil a zuar mi tete zong an um. Cun, zaam ding in thilri timhcia tein aa chiah mi zong an um ve, tiah theih a si.
Leave a Reply