Cikhua khuapi tel in Tonzaang peng pumpi chung ah umhmun khuar hrimhrim lo ding in CDF-Tonzang nih ZRA/ZRO cu nihin August 10 ah faakpi in ralrin a pek.
Chinland Council ralkap phu komh nih Tonzaang khua tel in Tonzaang peng kan laak khawh ding cang caah Tonzaang peng pumpi chung ah SAC ralkap an thiang cang i, CDF-Tonzaang le Chinland ralkap phukomh nih hmunhma kan laak cang tiah cathanh ah an ṭial.
“ZRA/ZRO ralkap hna nih Cikha khuapi tel in Tonzaang peng chung ah umhmun khuar hrimhrim lo ding ah faakpi in kan in khap hna,” tiah an langhter.
Kan in khap mi hna nan zulh lo ahcun kahdohnak in faakpi in dantat nan si lai ti zong CDF-Tonzaang nih ZRA/ZRO ralrinpeknak cathanh an an langhter.
Tonzaang peng chung ah SAC ralkap an um ti lo i, zalong tein tlonlen khawh a si cang caah ralzaam pawl rak kir cang ding zong CDF-Tonzaang nih nihin ṭhiamṭhiam ah forhfialnak an thanhchih.
Chinram in AA Chuak Hna Seh, AA kan Duh Lo tiin Lawngtlai ah AA Duhlo Langhternak an Tuah>>>
Chinram chung ah Rakhine hriamtlai AA an luhmi kan duh lo, AA hi Chinram in chuak hna seh tiin nihin August 10 ah Lawngtlai ah aa dormi Chin ralzaam hna nih AA duh lo langhternak an tuah.
Hi AA duh lo langhternak hmun ah hin Matupi ralzaam hna, Hakha le Thantlang ralzaam hna le YLA in aiawhtu zong nih an telpi hna i a rak chuak khomi minung 500 leng an si.
Daw Suh Bodyguard ‘Cherry Htet’ Thonginn in a Luat Cang>>>>
Daw Aung San Suu Kyi pumpak runvengtu (Bodyguard) Sub-Lieutenant ‘Cherry Htet’ cu nihin August 9 ah thonginn in a luat cang, tiah theih a si.
SAC nih Myanmar ram uknak an lak hnu 2021 September 23 ah Cherry Htet cu an rak tlaih i SAC baiceih zung nih thong kum 5 tlak ding in dan a rak tat.
SAC nih uknak an laak lio ah Cherry Htet hi Daw Aung San Suu Kyi inn ah a um lio a si i, SAC ralkap Major pakhat kut in Cherry Htet hi velh zong a tong, tiah Irrawaddy thongzawmhnak nih a ṭial.
Cherry Htet cu thonginn in a luat caan a tlin cang caah thong an thlaknak Yamethine thonginn in nihin ah a luat ṭhan hi a si, tiah kan theih.
Leave a Reply