SAC Nih Vanlei In Kahdohnak A Tuah Ruangah Thla (6) Chungah CDF-Mindat Telhin Minung (11) An Thi I (50) Leng Hliam An Tuar
=========
August 9,2024
Chin ramkulh,thlanglei Mindat peng chung ah SAC nih a luancia thla 6 chung ah vanlei in kahdohnak a tuah ruangah tualchungmi minung 8 le CDF-Mindat ralkap 3 an zapi ah minung 11 an thi i tualchung mi minung 50 leng nih hliam an tuar tiah CDF-Mindat nih nihin August 9 ah an thanh.
A luancia thla 6 chungah hin SAC nih Mindat peng chung ah Vanlei in kahdohnak voi 86 a tuah i mizapi inn 53,Khrihfa biakinn pakhat le sianginn pakhat zong a rawk.
Cindwe le Matupi kahdohnak hna ah CDF-Mindat minung 12 nunnak a liam tiah an langhter i cu hna chung ah minung 3 cu raifenh zawtnak in an thi i pakhat cu Matupi kahdohnak lio ah CNA drone in a nunnak a liam ve tiah an langhter.
9 August 2924- Chinland ram Chin State Thantlang le Hakha karlak kahdoh fakpi a chuak tthan.
Tuchun ah ralhrang nih jet fighter le bomh, drone in kan Pasaltha hna an kah hna. Kan Pasaltha hna thih le hliam kongah CC nawl ngeihtu hna nih zeihman an chim rih lo caah zeihman kan rak chim kho rih lo.
Media cheukhat ah CNA, CDF 40 an thih timi thawngpang bel kha cu, thawngpang dik lo a si.
Leave a Reply