Chinram, Thantlang khuapi ah kalpi cuahmah mi Tilim Operation 4 kahdohnak ah SAC ralkap pakhat cu hriamnam i put in Chinland Council ralkap sin ah aa ap, tiah theih a si.
Nizan August 7 ah Thantlang khuapi kahdohnak ah pumpak no. Tah-Tah 571334 Thet Paing Soe cu MA-2 meithal pakhat, kuanbawm 4, kutcheh bomb pakhat le meithal kuan 145 i put in CC sin i aa ap caah tangka Kyats sing 50 an pek i a himnak hmun ah an kuat, tiah theih a si.
A luancia July 25 ni zong ah Thantlang khuapi chung ah a um mi SAC ralkap pahnih cu hriamnam i put in CC sin ah an rak i ap caah tangka Kyats sing 50 veve an rak pek hna i a himnak hmun ah an rak kuat hna, tiah theih a si.
Chungril Lei Damlonak Ruang Ah CDF-Zophei Ralkap Pakhat Nunnak Liam>>>>>>>
Chinram, Thantlang peng, Zopheiram ah hrambunh mi CDF-Zophei in ralkap pakhat cu a luancia August 2 ni ah khan chungril lei damlonak ruang ah a nunnak a liam, tiah theih a si.
Chinland Defense Force – Zophei ah ralkap ṭuan lio mi Corporal Cung Nawl Mang(kum 19) cu ram le miphun ca i rian a ṭuannak ah a damlonak hmanh i thlop manh lo in chungril lei damlonak in a nunnak a liam.
“Corporal Cung Nawl Mang nih ram le miphun ca ah nunnak thap in aa pekchanhnak cung ah upatnak sang bik kan pek. Kaltak mi chungkhar, sahlawh rualchan le hawikom vialte nan ngaihchiatnak kan in hrawmpi hna. A thisen le nunnak a liam mi cu kan ram le miphun luatnak ca ah si hram ko seh,” tiah Chinland Defense Force – Zophei nih nihin August 8 ah ngaihchiatnak cathanh an chuah.
Leave a Reply