Chinland Council ralkap le SAC ralkap kar kahdohnak ah Chinland Defense Force – Zotung in ralkap pakhat a nunnak a liam, tiah theih a si.
“CDF-Zotung ah Platoon Commander ṭuan lio mi Salai Ra Lung Thang cu hramhram in nawlngeihnak latu SAC ralkap kahdohnak, hramhram uknak hrawh ding le Federal Democracy rampi ser khawh nakding in ral a tuk cuahmah lio Thantlang khuapi kahdohnak ah nizan August 15 ni ah ram le miphun ca ah a nunnak a pek.”
“Ram le miphun ca ah na nunnak tiang na pek caah CDF-Zotung nih upatnak kan in pek. Na kaltak mi na chungkhar an ngaihchiatnak kan hrawmpi hna,” tiah Chinland Defense Force – Zotung nih nizan August 15 ah ngaihchiatnak cathanh an chuah.
Wang Yi Le Min Aung Hlaing Tonnak An Ngeih Mi Kong Ah SAC Thanh Mi Le China Cozah Thanh Mi Aa Kalh Dih>>>>>>>>>
“Myanmar cung ah China nih hawikomhnak phunglam a tuah mi cu Myanmar ram mipi dihlak ca ah a si, tiin China Foreign Minister, Wang Yi nih SAC Chairman cu a chimh,” tiah China Forein Ministry nih an thanh.
August 14 ni ah khan Naypyidaw ah Min Aung Hlaing le Wang Yi tonbiaruahnak an ngeih mi kong he pehtlai in China Forein Ministry nih cun atu bantukin an langhter nain SAC nih cun China Forein Minister chim mi kong he pehtlai in an langhter mi a um ve lo.
Shan ramkulh chaklei ah EAO phu pawl nih khuapi le khuate ah kahdohnak an tuah mi cu China nih an dohkalh tiin SAC nih an thanh mi kong zong ah China Forein Ministry nih cun phungning in an thanh mi a um lo pin ah SAC nih a ralai mi thimnak an timhlamh mi kong he pehtlai in China nih lungtlinpinak an ngei tiin SAC nih an langhter mi kong zong ah China Forein Ministry nih cun an langhter fawn lo.
“China nih cun Myanmar ram luatnak, ṭha tein i ukhruainak, ramkhel lei sersiamnak, Democracy phung in kal ding lungtlinnak an ngeihpinak hna le Myanmar ram buainak le kahdohnak a chuak mi, ramleng lei hnahnawh peknak pawl an duhlonak kong tu cu SAC Chairman cu China Forein Minister nih a chimh,” ti lawng China Forein Ministry nih an langhter.
Cu pin ah China ram cu minchiatnak chimrelnak vialte a dohkaltu a si kong, Wang Yi nih a chimh. Hi vialte hi SAC nih an thanh mi ah cun an langhter lo i China Forein Ministry nih an langhter mi he cun a kalh dih, tiah theih a si.China cozah nih an ngeih mi Xinhua News Agency le Myanmar—China Embassy zong nih China Forein Ministry nih an langhter mi cu nizan August 15 ah an langhter ve.
Leave a Reply