Gangaw peng chung ah a ummi SAC zinan chuahnak hmun a congtu SAC ralkap sakhaan pakhat cu PDF, CDF-KKG, ABSDF le Hyper UAV Froce nih nihin ah an laak, tiah theih a si.
SAC zinan le gas chuahnak company (Myanma Oil and Gas Enterprise-MOGE) tang ah a ummi Gangaw peng, Kyauk-teik zinan khor cawngtu SAC ralkap sakhaan cu nihin August 16 ah PDF, CDF-KKG (B4, B5, B6), All Burma Students’ Democratic Front (ABSDF) le Hyper UAV Force hna i bawm in an laak khawh hi a si.
SAC sakhaan laak kahdohnak ah mizapi ralkap lei in minung pakhat thi i, SAC lei in ralkap Captain pakhat le palik bawi pakhat tel in minung 12 an thi.
SAC ralkap 12 zong an nung in an tlaih hna pin ah meithal phunphun zun 30, kuan 2,600, mine 7 le ral thilthuam dangdang zong an laak khawh, tiah theih a si.
US Ramleng Vuanci Zung Ruahnak Petu le CNF, KNU, KNPP, NUG, NUCC Biaruahnak an Ngei Ṭhan>>>>
Nizaan August 15 ah US ramleng vuanci zung ruahnak petu Counselor Tom Sullivan nih atulio Myanmar ram dohthlennak ah a cawlcang cuahmahmi bu pawl cu online in ton biaruahnak a ngeih hna, tiah theih a si.
Cu onine biaruahnak ah cun Chin National Front (CNF), Karen National Union (KNU), Karenni National Progressive Party (KNPP), National Unity Government (NUG) le National Unity Consultative Council (NUCC) an i tel hna.
Cu biaruahnak ah cun Myanmar ramchung ral ruang ah harnak a tongmi rammi hna sin ah bawmhnak phakternak kong ceihhmainak kan ngei tiah NUG President Office chimnak nawlngei U Kyaw Zaw nih a chim.
Kan hnu March 28 zong ah khan US ramleng vuanci zung ruahnak petu ṭhing Darek Chollet le K3C (KIA, KNU, KNPP, CNF) tonnak an rak ngei bal cang i Myanmar rammi hna ca ah ramdang bawmhnak zeitindah kan karhter lai timi kong ceihhmainak an rak ngei, tiah theih a si.
Leave a Reply