Nihin August 16 ah Japan ram ah an tuahmi TTF Challenge Vol. 10 timi ṭhuat zuamnak ah Tial Cung Thang nih inntek Japan pa Naoki Ueda cu a tei, taih theih a si.
One Championship in Tial Cung Thang a chuah hnu ah ṭhuat zuamnak puai ah voi 5 aa ṭhua cang i cu chung ah cun voi 3 teinak a hmu cang.
Tada-U Peng Le Chauk Peng Ah SAC Nih Mino 200 Leng Ralkap Lut Ding Ah An Rawt Hna>>>>
Mandalay ramṭhen, Tada-U peng le Magway ramṭhen, Chauk peng i mino 200 leng cu ralkap tlakter ding ah SAC nih an rawt hna, tiah tualchung mi nih an chim.
Nizan August 16 zinglei ah Tada-U peng in Myithar khuapi lei ah a kal mi mino 150 hrawng cu SAC ralkap, palik le Immigration nih an tlaih hna, tiah theih a si. Atu i tlaih a tong mi mino 150 hrawng cu a ralaimi September thla i SAC nih ralkap training kaiter an timh hna, tiah theih a si.
Cu bantuk ṭhiamṭhiam in Magway ramṭhen, Gwaycho khua nichuahlei Kyaukpantaung khuapi lampi ah SAC ralkap le palik pawl nih mino 50 hrawng an tlaih hna, tiah theih a si.SAC nih thla fatin in an auh mi ralkap training a tlamtlin nakhnga atu bantukin hramhram in mino an tlaih hna i inn kip ah khual cazin an chek, tiah theih a si.
Chinland Defense Force – Zotung (CDF-Zotung) In Ralkap Pakhat Nunnak A Liam>>>>>
Chinland Council ralkap le SAC ralkap kar kahdohnak ah Chinland Defense Force – Zotung in ralkap pakhat a nunnak a liam, tiah theih a si.
“CDF-Zotung ah Platoon Commander ṭuan lio mi Salai Ra Lung Thang cu hramhram in nawlngeihnak latu SAC ralkap kahdohnak, hramhram uknak hrawh ding le Federal Democracy rampi ser khawh nakding in ral a tuk cuahmah lio Thantlang khuapi kahdohnak ah nizan August 15 ni ah ram le miphun ca ah a nunnak a pek.”
“Ram le miphun ca ah na nunnak tiang na pek caah CDF-Zotung nih upatnak kan in pek. Na kaltak mi na chungkhar an ngaihchiatnak kan hrawmpi hna,” tiah Chinland Defense Force – Zotung nih nizan August 15 ah ngaihchiatnak cathanh an chuah.
Leave a Reply