Thantlang Lam In Hakha University Karlak Ah Ahohmanh Kal Lo Ding In CDF-Hakha Nih Thawngthanh
Chinram, Hakha peng ah hrambunh in hriam a tlai mi CDF-Hakha nih Thantlang lam in Hakha University kar hman rih lo ding in mizapi sin ah thawngthanhnak an tuah.
“Thaizing August 20 ni thawk in onh ṭhan a si hlan tiang, Thantlang lam in Hakha University karlak ahohmanh kal lo ding, a kal mi cu SAC ralhrang an si tiah ruah an si lai,” tiah Chinland Defense Force–Hakha nih nihin August 19 ah thawng an thanh.
CDF-Matupi, Battalion 2 Ca Ah Future Hope Foundation Nih Uniform 100 Leng An Pek>>>>>>>>>
Chinram, Matupi peng ah hrambunh mi CDF-Matupi, Battalion 2(Vakok Battalion) ralkap hna ca ah tiin ralkap uniform 100 leng cu Future Hope Foundation nih an bawmh hna, tiah theih a si.
“CDF-Matupi, Battalion 2(Vakok Battalion) ralkap hna ca ah tiin pau dohthlennak ah zaanghlei cawi mi mizapi nih nan thawh mi tangka in atu bantukin Future Hope Foundation nih ralkap uniform 100 leng kan pek khawhnak a si,” tiah Future Hope Foundation nih an langhter.
“Pau dohthlennak ah a lam kip in a cawlcang i Future Hope Foundation sin ah tangka thazaang in si seh, eidin tirawl in si seh thazaang a chuah mi nulepa u le nau nan dihlak cung ah kan i lawm tuk hringhran,” tiah Future Hope Foundation nih an langhter chih.
Leave a Reply