Rakhine ramkulh, Thandwe peng ah a um mi SAC ti ralkap sakhan (Navy Base Headquaters) cu AA nih an laak kong, nizan September 6 zanlei ah an thanh.
A luancia August 7 thawk in Thandwe peng chung ah a um mi SAC sakhan ngan pakhat a si mi Central Naval Diving And Salvage Deport (Myanmar Navy) CNDSD sakhan le a pawngkam ah umhmun khuar mi SAC ralkap pawl cu AA nih an kah hna i Maungshwelay le Kwinwaing khua kar ah a um mi SAC ti ralkap sakhan cu thla khat deng an kah hnu ah September 5, zanlei suimilam 6:00 hrawng ah a ningpi in an laak khawh, tiah theih a si.
Thailand Ah Tlaih A Tong Mi Myanmar Ram Mi 1,000 Deng SAC Sin Ah An Ap Hna>>>>>>>>>>>>>>>>>
Thailand ram ah tlaih a tong mi Myanmar ram mi 1,000 deng cu a luancia August thla chung ah khan Thailand ram nawlngeitu pawl nih kanmah sin ah phungning tein an rak ap hna. Pa 752 le nu 208 tiin an zate ah minung 960 an si i ramri Gate in kan sin ah an phan, tiah SAC nih nizan September 5 ah an thanh.
Thailand cozah nih Myanmar ram ah a kuat mi hna Myanmar ram mi 960 cu an umnak hmun cio ah maw an kirter hna lai, asiloah an hren hna lai dah ti cu SAC nih an thanh mi ah an langhter lo.
A luancia July le August thla chung ah Thailand cozah nih Ranong thonginn in an thlah mi hna Myanmar ram mi 71 cu Kawthoung tilawng dinhnak ah SAC ralkap nih ralkap tlakter ding ah an tlaih hna, tiah chungkhar lei nih an chim.
Myanmar ram buai ruang ah Thailand ram ah a zaam mi Myanmar ram mi nuai 6 leng an um i Thailand cozah nih ni 120 chung ah Myanmar ram mi 155,669 an tlaih hna kong, Thailand Labor Ministry nih August 24 ah an thanh.
SAC ralkap 1200 leng nih an hngah mi SAC ti ralkap sakhan (Navy Base Headquaters) kahdohnak ah cun SAC ralkap 400 leng an thi i AA nih hriamnam tam ngai le ralkap hman mi thilri tam ngai an laak. Kahdohnak ah aa hliam mi le a thi mi SAC ralkap pawl cu tilawng in an thiar hna i Sittwe le Ayeyarwaddy ramṭhen lei ah atu le atu in an kalpi hna. Laak khawh lo mi SAC ralkap ruak pawl cu AA nih ṭha tein an phum hna, tiah theih a si.
Leave a Reply