Mizoram Cozah Pu F. Rodingliana, Minister, Commerce & Industry le Pu B. Shyam, Joint Secretary, Ministry of External Affairs cu 12. Zing (Sept) 2024 ah Minister Pu F. Rodingliana, Office chamber ah tonnak an ngei i, Mizoram innpa Bangladesh le Myanmar ram he chawlehthalnak lei ah fak deuh le fek deuh in kalpi khawhnak ding kong an ceih.
B Shyam, Joint Secretary, Ministry of External Affairs nih cun India cozah nih Lairam (LADC) ram in Paletwa tiang power supply pek a duh. Cun Sittwe Port tiang pek a duhnak kong cu Pu F. Rodingliana, Power Minister a chimh. Cun Mizoram cozah he tuanṭi ding le fak deuh in rianhma domh ding in a sawm colh i, Power Minister nih Power Deptt zong nih DPR hlawhtlin an duhnak kong a chimh ve.
Mamit District, Mizoram khuate pakhat Silsury in Bangladesh lei ah chawlehthalnak a ṭhat caah Silsury ah maw a kiangkap a remnak hmunhma ah Integrated Check post asi lo ah, Land Custom Station sak colh ding a ṭhatnak kong zong an ceih.
Kaladan Multi Modal Transport Transit Project (KMMTTP) rianṭuan cuahmah mi ah harsatnak um mi le dawnkhantu hna zong hi a rianran deuhnak in hmalak a si khawhnak ding kong zong an ceih fawn.
Bangladesh he pehtlaihnak hlei donh ding in khuakhan cia cang mi Integrated Check Post Kawrpichuah pawng ah hlei tuah ding cu Bangladesh lei an lungtlinnak hnga le rianhma domh khohnak ding caah cozah pi ah pehzulh pi ding in Mizoram Minister F. Rodingliana nih cun a cah chih fawn.
Leave a Reply