Breaking NEWS: Falam Um Ralhrang Nih Hriampi Zunthum Tluk An Rak Kah I, Lungpi Khua Phak Lai Motor Lamtlang Ah A Tla

Nihin April 30 chunah Falam um ralhrang nih hriampi  zunthum tluk an rak kah i, Lungpi khua phak lai motor lamtlang ah a tla. Nizan April 29 an kahmi kha Laizo khualu chap ramtoi ah a tla tiah kan theih. AA Tih Ruangah Paletwah Ummi MDF Cheukhat  Mizoram Lei An Zaam Ee. AA Le MDF Cheukhat Kar Ah I Hmu Thiam Lonak A Um Ruan Ah MDF Cheukhat An Zam

AA tih ruangah Paletwah ummi MDF  Mizoram ah a zammi an um. Paletwah peng Mara tlangtluan ah MDF le AA umti nak cu sikaw MDF ralkap zemaw hna le AA ralkap zeimaw hna karah i hmuh thiam lo nak a chuak.

MDF ralkap le AA an i sik/velh nak ah MDF chungin AA ttih ah Mizoram Siaha ah a hung zaammi an um hna tiah kan theih. Kan  peng le ram ahcun ti in tluang a khawngmi MDF hna cu AA tih ah Mizoram ah an meithal chiah tak in  a zaammi an um hna theih cu,lung  nuam lo ngai.

Thawngpang dang: Hpasawng peng, ah SAC nih thla 2 chung tluk ralphaw ah an tlaihkhih mi hna tualchung mi 18 cu SAC nih an chuah ṭhan hna tiah Karenni ramkulh, Hpasawng PDF chungin ṭuanvo ngeitu pakhat nih a chim.

2024, April 29 ah SAC ralhrang nih an chuah ṭhan mi hna tualchung mi 18 hi kum khua upa, naupawi le ngakchia deuh hna an si i PDF nih hmunhimnak hmun ah an chiah hna tiah an langhter.

Ralphaw ah tlaihkhih mi hna hi SAC ralhrang nih a phun phun in an ṭhihphaih hna caah tualchung mi 10 an taang rih tiah theih a si.

April 23 zong ah Hpasawng khuapi, Kwetthit sang Phungki sianginn ah aa taap mi tualchung mi 130 leng cu Karenni ṭangṭi phufonh nih an rak chanhchuah hna.

2024, February 29 ah thawk in Hpasawng khuapi kahdohnak ah SAC ralhrang hrambunh sakhan tampi cu Karenni ṭangṭi phufonh nih an laak khawh cang tiah theih a si.