Arakan Army (AA) Sin Ah A Lut Duh Lo Mi Paletwa Peng In Tualchung Mipi 40 Leng Mizoram Ah An Zaam.

Arakan Army (AA) Sin Ah A Lut Duh Lo Mi Paletwa Peng In Tualchung Mipi 40 Leng Mizoram Ah An Zaam. Chin ramkulh, Paletwa peng in tualchung mipi 40 leng cu Arakan Army (AA) sin an luh duh lo caah India ram, Mizoram ramkulh ah an zaam, tiah tualchungmi sin in kan theih.

2024, April 19 ah tuah mi Paletwa peng tualchung mipi kum 18 in 40 karlak Arakan Army (AA) sin ah luh ding ti thawng an thanh hnu ah tualchung mipi 40 naak tlawmlo cu 2024, April 30 zaan ah India ram, Mizoram ramkulh ah an zaam tiah an langhter.

“2024, April 30 zaan ah nu hna telh in minung 40 an rak lut, cubantuk ṭhiam in 2024, May 1 ah minung 7 an rak i chap ṭhan cu chungah nu 7 an i tel chih” tiah ralhrial hna zohkhenhtu chungin ṭuanvo ngeitu pakhat nih a chim. Arakan Army (AA) nih ralkap training nan tuah lai ti mi thawng an chuah hnu ah Mizoram ramkulh ah a zaammi hna an si. Lungmili Post

Relchap: Mandalay Ah Ni Linhnak In Nikhat Chung Ah Minung 10 Leng An Thi. 2024, April 29 ah nikhat chungin Mandalay ah ni linhnak in nunnak liammi minung 10 naak tlawmlo an um. April thla chung lawngah nunnak liammi dihlak fonh minung 40 naak tlawmlo an si cang, tiah Mandalay hrambunh chiatṭhat zohkhenh tu phu sin in kan theih.

Ni linhnak a fak bik caan April thla chung ah ni linh tuar (Heat Stroke) zawtnak in a thi mi le sii-inn ah a zohkhenh mi an karh chin lengmang,  nikhat chungin a thi mi lak ah hin (Heat Stroke) in a thimi 1 cu an i telchih peng tiah an langhter.

(Heat Stroke) zawtnak in micheu khat cu sii-inn an i zohkhenh hnu ah an thi mi zong an um, cubantuk ṭhiam in micheu khat cu a dam mi zong an um ve,  tiah M-Rescue chairman U Khin Maung Tin nih a chim. Crd:Lungmilipost

Thawngpang dang: 2024, March le April thla chung ah Kenya ram ah ruahsur ti lianhnak in nunnak liammi minung 170  naak tlawmlo an si cang, tiah cozah rianṭuantu hna nih an langhter.

Kenya President William Ruto nih an ram ruahsur ti lianhnak nih a chuahpimi buainak dihlak tawlrel ding in tonbiaruahnak (meeting) a kawh tiah theih a si.

Nairobi khuapi in meng 37 tluk aa hlatnak Maimahiru hmunhma ah umhmun khuarmi tualchung mipi hna cu zaan an i hngilh kar ah ti lianhnak nih a phak hna i minung 50 an thi, tiah chiatṭhat zohkhenhtu phu nih an chim.

A luancia thla hmasa khan ruahsur ti lianhnak in Kenya ram ah minung 100 naak tlawmlo an thi.  atu tiang in nunnak liammi an karh chin chin tiah ṭuanvo ngeitu hna nih an chim.

Pehzulh in ruahsur a fah peng caah sianginn caan zeimawzat chung phihkhar rih a si lai, ti lianhnak nih khuasaknak inn 130,000 leng a rawk tiah an langhter chih.

Kenya ramah ruahsur nasa chhunzawm zel avangin sorkarin sikul hawn a tum chu a tlai deuh a rinawm a, tuilian vangin mi 130,000 chuang chenna in nei loin an awm tawh bawk.

2024, January thla thawk in an innpa Tanzania le Burundi zong ah ruahsur ti lianhnak in minung 155 an thi cang, Burundi ah chungkhar khuasaknak inn 100,000 tluk a rawk dih, tiah kan theih. Lungmili Post