Biangreithlep 11, zarhteni ah Sagaing ramṭhen, Myinmu peng, Lethtoketaw khua mi 32 SAC ralhrang nih thah.
SAC ralhrang milu thazang 100 hrawng nih Lethtoketaw kulh in an nam. Lam vialte an kham dih. Bomb le meithawng thawng cu a tur in a hung tur. Khuachung phungki inn hnih ah khuami an hren hna i, minung 32 zohchia ngai in an thah hna.
Lethtoketaw khua inn 100 lengkai ciam viar in an khangh. Hren mi dang minung 17 ralphaw (human shield) ca ah an zuah rih hna, tiah theih si.
Kanbulu peng SAC ralkap sakhan laak kahdohnak ah SAC lei 6 an thi i hriamnam zun 14 an laak PDF ralkap 10 le khuami pakhat an thi ve>>>>
Kanbulu peng, Malel khua SAC ralkap sakhan laak kahdohnak ah SAC ralkap lei in 6 an thi, hriamnam zun 16, kuanzen hna le thilri kan laak khawh tiah PDF No.1 Command nih a thanh.
May 7 ah Malel khua ah a um mi SAC ralkap le Pyusawhtee pawl sakhan cu PDF phu komh nih an kah i an laak khawh. Cu kahdohnak ah cun PDF ralkap 10 nih ram caah an nunnak an pek i khuami pakhat zong a thi tiah theih a si.
Dohthlengtu ralkap lei nih kut ser meithal tel in meithal zung 14, zenthong 700 leng, kuan bawm 11, kut cheh bomb 1, Inaga bomb 6, Jammer 1, Equipment 4, Uniform tuah 3 le ralkap thilri zeimaw zat an laak khawh.
Kahdohnak ah SAC ralkap nih miakpi in voi 60 leng a kah hna, valawng in voi 14 a kah hna i Y-12 vanlawng in bomb 60 leng a thlak hna tiah an ṭial.
Thabeikkyin peng, Kyaukhpyar khuate in SAC ralkap 70 hrawng nih an rak bawmh hna caah PDF ralkap 10 le khuami 1 an thi i, 17 hma an pu tiah theih a si.
Leave a Reply